ЗАЯВКĂСЕМ ЙЫШĂНАС ВĂХĂТА ТĂСНĂ
«Тутарстан Чăваш пики – 2023» конкурс хăçан пуласси паллă пулчӗ – чиперккесен конкурсӗ кăçал апрелӗн 21-мӗшӗнче Хусанта иртет. Ăна Иван Яковлевич Яковлев çуралнăранпа 175 çул çитнине тата Чăваш чӗлхи кунне халалласа ирттереççӗ.
Эппин «Сувар» хаçат ирттерекен «Сувар пики – 2023» конкурса заявкăсем йышăнас тапхăра тăсатпăр. Чиперккесенчен сăнӳкерчӗксемпе пултарулăх номерне кăтартакан видеороликсене маларах çырнă пек мартăн 3-мӗшӗччен мар, мартăн 31-мӗшӗчченех йышăнатпăр. Онлайн-сасăлав апрелӗн 3 – 7-мӗшӗсенче иртӗ.
Мӗн тумалла-ха конкурса хутшăнас тесен? 14 – 24 çулти пикесен анкета-заявкăна (ăна хаçатăн сайтӗнче положенипе пӗрле вырнаçтарнă. – Ред.) çырса тултармалла, хăй çинчен чăвашла каласа паракан кӗске видеовизитка (1 минутлăх) тата пултарулăх номерӗн видеороликне (1-2 минутлăх), икӗ сăнӳкерчӗк – портретли тата пӳ çӳллӗшпех ӳкерни (в полный рост) – хатӗрлемелле, çаксене пурне те «Сувар» редакцине suvar@mail.ru электронлă адреспа е 89179076881 телефон номерӗ çине «Сувар пики – 2023» конкурса» тесе палăртса мессенджерсем урлă ярса памалла. «Сувар пики» титула илнӗ хӗр «Тутарстан Чăваш пики – 2023» конкурса хутшăнма тивӗçет.
«Сувар пики – 2023» конкурсăн положенийӗпе suvargazeta.ru сайтра паллашма пултаратăр. Эппин, чăваш хӗрӗсем, сиртен заявкăсем кӗтетпӗр!
Редакци.
Следите за самым важным и интересным в Telegram-каналеТатмедиа
Нет комментариев