Ан пăлханăр!

Тутарстан Республикин Правительстви банксемпе çыхăннă лару-тăру пирки çапла хыпарлать:

«Хисеплӗ граждансем!

Юлашки вăхăтра халăхра республика банкӗсенчен укçа хывма чӗнекен, банксем хупăнни çинчен калакан сас-хура тухрӗ. Кунашкал хыпарсем чăн лару-тăрупа тӳрре килмеççӗ, вӗсене халăха пăлхантарас тӗллевпе сараççӗ.

Республикăри банк секторӗн лару-тăрăвӗ тимлӗхре пулнине пӗлтеретпӗр. Тутарстан банкӗсен клиентсем умӗнчи тивӗçсене пурнăçлама капиталӗ те, ресурсӗсем те çителӗклӗ.

Ан пăлханăр, суя информацие сарма ан пулăшăр. Информациллӗ атакăна йӗркелекенсен ӗçне компетентлă органсем хак парӗç.

Тутарстан Республикин Правительстви».