Тăхтама юрамасть халь

Паянхи кун тӗлне республикăн мӗнпур районӗ вырмана тухнă. ТР Ял хуçалăхпа апат-çимӗç министерствин оперативлă сводки тăрăх, июлӗн 31-мӗшӗ тӗлне республикăра 133,5 пин гектартан пӗтӗмпе 404,4 пин тонна тырă вырса илнӗ. Пӗр гектара тивекен вăтам тухăç–  30,3 центнер.

Чи пысăк тухăç кăçал Заинск, Балтаси, Сарман, Актаныш, Азнакай, Кукмор тата Элкел районӗсенче çитӗннӗ. Кунти вăтам тухăç 41– 35,1 центнер таранах-мӗн. Çӗр ӗçченӗсен хальхи вăхăтра лайăх çанталăкăн кашни сехечӗпе усă курса юлма тăрăшаççӗ. (Сăнӳкерчӗк ТР Ял хуçалăхӗпе апат-çимӗç министерствин сайтӗнчен).