Сикетӗп... чӳречерен

Июнӗн 15-мӗшӗнче çӗрле Çырчалли хулин çӗнӗ пайӗнче 17 çулти хӗр виллине тупнă. Вăл çӳлтен ӳкни паллă. Пулса иртнин сăлтавӗсене вырăнти следовательсем тӗрӗслеççӗ.

Хальлӗхе паллă пулнă тăрăх, вăл упăшкипе тата тин кăна çуралнă ачипе пӗрле çак хуларах пурăннă. Анчах та юлашки темиçе кун кӗвӗçӗве пула килӗнче час-часах харкашнă. Инкекчен пӗр кун маларах та çамрăк хӗрарăм упăшкине чӳречерен сикессипе хăратнă-мӗн. Чӳречерен вăл хăйех сикнӗ-и е кам-тăр пулăшнă? Çакна судпа медицина экспертизи палăртӗ.