Нурлат шăнкăрчӗсен суйламалăх пур

Кăнтăртан таврăнакан шăнкăрчсене нурлатсем пек тилмӗрсе урăх ниçта та кӗтмеççӗ пуль. Вырăнти Туслăх çурчӗн представителӗсем «Экоçуркунне - 2018» санитари икӗ уйăхлăхне тата конкурса хутшăнса шăнкăрч йăвисем хатӗрленӗ çеç мар, кашнине наци эрешӗсемпе илемлетнине хыпарлать Нурлатри Туслăх çурчӗн пресс-служби. Паллă ӗнтӗ, çӗнӗ йăвасене «Туслăх» сквера çакнă. Çапла майпа Нурлат хулин шăнкăрчӗсен «пропискăпа» йывăрлăхсем çук кăçал, йăвасем суйламалăх та пур. Хăш нацин шăнкăрч йăви шанчăклăрах пулнине вара шăнкăрчсем хăшне хăвăртрах йышăннă тăрăх пӗлӗпӗр. (Сăнӳкерчӗк Нурлатри Туслăх çурчӗн).