Пӗрене алăра турпас пек вылянать

Кам мӗнле пуль те, «Улăп паттăр тăрăхӗ» картиш мана пуринчен ытла килӗшрӗ. Унта кире пуканне, пӗренене алăра турпас пек вылянтаракан паттăрсене курсан, тӳрех хама хӳтлӗхре туйрăм. Пур-ха пирӗн паттăрсем, пур. Ӗмӗртен сунара çӳренӗ, пыл хурчӗ ӗрчетнӗ халăхăн çак йăли халӗ те манăçманнине те кăтартрӗç ку площадкăра. Тискер чӗрчунсен экспоначӗсем халь-халь чӗрӗлсе чупса каяссăн туйăнчӗç.

«Улăп паттăр тăрăхӗ» çумне мӗншӗн сăра картишне вырнаçтарнине кăна ăнланса пӗтереймерӗм. Мӗн каласшăн пулчӗç кунпа нурлатсем?