Усал-тăк, чӗрӗ марри те усалах пуль çав

Петербург хӗрринчи Подпорожье районӗнчи «Верхние Мандроги» турист комплексӗн территорийӗнче пач кӗтмен япала пулса тухнине хыпарлать «Интерфакс». Йывăçран ăсталанă Вупăр карчăк (Баба Яга) скульптури комплекса канма килнӗ ача çинех персе аннă-мӗн. Паллах, унăн йывăрăшӗ айӗнче ачан сывă юлма шанăçӗ те пулман. Комплекс ӗçченӗсем туристсене хăрушсăрлăх мерисемпе кирлӗ пек тивӗçтерменшӗн явап тытма тивӗ. Кун пек вырăна та тухса çӳреме шикленмелле иккен халӗ. (Соцсетьри сăнӳкерчӗкре хайхи Вупăр карчăк).