Ял больници те тухтăрсăр ан пултăр çав

Çӗпрел район тӗп больницинче кадрсем çитмеççӗ темелли çук. Юлашки çулсенче кăна кунта 10 специалист килнӗ. Район администраци пуçлăхӗ Александр Шадриков вӗсемпе тӗлпулăва килнине хыпарлать «Тăван ен» хаçат. Вăл район больницине çакăн чухлӗ специалист килни тахçантанпах пулманнине палăртса çамрăк тухтăрсем районта нумай çул тухăçлă ӗçлессе шаннине пӗлтернӗ. Çамрăк специалистсене пуринчен ытла çурт-йӗр ыйтăвӗ хумхантарать иккен. Ертӳçӗ вӗсене Çӗпрелне килекен специалистсем валли лайăх условисем туса парас тӗлӗшпе район ӗçленине пӗлтернӗ.