News by tag - Чувашская культура

• 02 июля 2025

  Shanu этно-джаз ушкăн çитес тунтикун Мускавра Алексей Козловăн клубӗнче концерт парать

  Пурнăç пӗр вырăнта тăмасть, Shanu ушкăнра та акă улшăнусем пулса иртнӗ. Дмитрий Лысов (джаз пианисчӗ, талантлă музыкант, аранжировщик) кайнă хыççăн ушкăнпа Андрей Руденко ӗçлеме пуçланă.

  
• 25 июня 2025

  Шупашкарта иртнӗ «Я женщина» конкурсăн финалне Раççейӗн паллă кинопа театр актерӗ Дмитрий Певцов килчӗ

  Хула кунӗнче, июнӗн 24-мӗшӗнче Шупашкарта ЧР патшалӑх оперӑпа балет театрӗнче «Я женщина» - «Эпӗ хӗрарӑм» республика конкурсӗн финалӗ иртрӗ. Çӗнтерӳçӗсен шутне Çӗпрел районӗнчи Алешкин Саплӑк ялӗнчи пӗтӗмӗшле пӗлӳ паракан шкулта чӑваш чӗлхипе литературине вӗрентекен Надежда Васильевна Григорьева та кӗчӗ. Вăл «Родом из Чувашии» номинацире 3-мӗш вырăн йышăнчӗ.

  
• 20 июня 2025

  Юхма Мишши повеçӗ тăрăх ӳкернӗ кинона Хусанта кăтартаççӗ

  Юхма Мишшин «Акман анари вырман тулă кĕлти» повеçӗ тӑрӑх ӳкернӗ «История деда Азамбая» фильма Хусанти «Мир» кинотеатрта июнӗн 22-мӗшӗнче кăтартаççӗ.

  
• 07 июня 2025

  «Теччӗ шевлисем» фестиваль пултаруллисене пуçтарчӗ

  Нумаях пульмасть Аслă Ăнăра чăваш юррипе ташшин «Теччӗ шевлисем» фестивалӗ иртрӗ. Мероприятие Теччӗ районӗнчи Чăваш наципе культура автономийӗ пуçарнипе йӗркеленӗ. Фестивалӗн тӗллевӗ – йăла-йӗркене асра тытасси, халăх культури патне çамрăксене явăçтарасси тата çӗнӗ талантсем тупса палăртасси. Мероприятие кăçал районти сакăр ялтан пурӗ 60-а яхăн çын хутшăнчӗ.

  
• 05 июня 2025

  Павлăри чăваш Уявне туристсем те курчӗç

  Июнӗн 1-мӗшӗнче Павлă хулинче район шайӗнчи Уяв пулчӗ. Виççӗмӗш хут иртекенскер вăл пӗлтӗрпе виçӗмçул Потап-Тăмпăрлă ялӗнче иртнӗ-тӗк, кăçал пуçласа – Павлăра. Мероприяти иртмелли калама çук илемлӗ лапама ир-ирех чăваш тумӗллӗ çынсем пухăнма пуçларӗç. Ал ӗç ăстисем хăйсен ӗçӗсемпе мастер-классем йӗркелесе паллаштараççӗ, усламçăсем хăйсен таварӗсене сӗнеççӗ. Чăваш апатне те тутанса пăхма пулать кунта, техӗмлӗ сăрине те астивме май пур. Фольклор ушкăнӗсем хăнасене кӗтнӗ май юрлаççӗ-ташлаççӗ. Кӗскен каласан – питӗ хаваслă Уяв лапамӗнче.

  
• 03 июня 2025

  Ульяновск хулинче чăвашсен Акатуйӗ иртрӗ

  Ульяновск облаçӗ Тутарстанпа, Чăваш Республикипе кӳршӗллӗ пулнăран çак регионсенчен те çынсем пуçтарăнса килнӗ. Кăсăкли вара пайтах, кашни хăйне çывăххине тупать уяв тӳремӗнче. Тӗп сценăн пӗр енӗпе наци кил-картишӗсене лартса тухнă.

  
• 31 мая 2025

  Çырчалли чăвашӗсем 34-мӗш хут Уяв пуçларӗç

  Майăн 21-мӗшӗнче Çырчалли хулинчи «Çӗнтерӳ» культурăпа кану паркӗнче вырăнти Чăваш наципе культура автономийӗ тăрăшнипе 34-мӗш хут чăвашсен Уявӗ иртрӗ.

  
• 30 мая 2025

  Лениногорсксем Микулара вăййа тухрӗç

  Уяв чыслă ӗлӗкех, Уяв опера пекех, Ун илемӗ ӗмӗре, Чăваш чыслă тӗнчере. Çак юрăпа (сăвви Петр Гаврилов-Мереченӗн, кӗвви Геннадий Садовниковăн) пуçласа ячӗ хăйӗн концерт программине Лениногорскри «Балерина» фонтан çывăхӗнче «Шурă хурăн» чăваш халăх фольклор ансамблӗ майăн 22-мӗшӗнче – çуллахи Микула кунӗнче.

  
• 01 мая 2025

  «Тӑхӑрьял шӑпчӑкӗ» ята кăçал Мария Архипова çӗнсе илчӗ

  Нумаях пулмасть Пӑва районӗнче йăлана кӗнӗ шкул ачисен хушшинчи «Тӑхӑрьял шӑпчӑкӗ» конкурс 20-мӗш хут иртрӗ. Ку конкурса хăй вăхăтӗнче Элшел вӑтам шкулӗн директорӗ Владимир Ильич Афанасьев пуçарса янӑ. Хальхи вӑхӑтра Владимир Ильич тивӗçлӗ канура, çапах та кашни конкурсах жюри пулса хутшăнать.

  
• 25 апреля 2025

  Çарăмсанра паян «Афанасьев вулавӗсем» иртрӗç

  Кăçал республика шайӗнчи конференцие Тутарстан районӗсенчен 120 ача хутшăнчӗ. Вӗрентекенсем 20-ӗн пуçтарăннă. Мероприяти Çӗнӗ Йӗлмелӗнчи Культура çуртӗнче иртрӗ.

  
• 22 марта 2025

  Пӑва Чӑваш пики - Виктория Никонова

  Пӑва хулинче мартӑн 21-мӗшӗнче «Пӑва Чӑваш пики - 2025» илемпе пултарулӑх конкурсӗ иртрӗ. Хӗрсем пӗринчен тепри маттур та пултаруллӑ пулчӗҫ. Тӗп титула Чӑваш Шуршу ялӗн вунтӑваттӑри пики ҫӗнсе илчӗ.

  
• 18 марта 2025

  Патраклăри «Çеçпӗл» халăх фольклор ансамблӗ 50 çул тултарнине паллă турӗ

  «Çеçпӗлӗн» историйӗ 1974 çулта пуçланать. Шăп çак çулхине тăван яла Елабугăри культурăпа çутӗç училищине пӗтерсе Зинадиа Алексеева таврăнать. Çамрăкскерте ӗçлес вăй вӗресе тăрать. Çапла клуба çӳрекен çамрăк хӗрпе каччăсем ун тавра пуçтарăнма тытăнаççӗ. Йӗркеленсе кайнă хыççăн 3 уйăхран «Çеçпӗл» Элметре иртнӗ Пӗтӗм Союзри ӗçлекенсен илемлӗ пултарулăхӗпе пӗрремӗш фестивале хутшăнса пӗрремӗш вырăна тивӗçнӗ. Тепӗр икӗ çултан Хусанти М.Джалиль ячӗллӗ оперăпа балет сцени çине тухса лауреат ятне тивӗçнӗ. Çапла кӗске хушăрах «Çеçпӗле» республикăра кăна мар Раççейре те пӗлсе çитнӗ.

  
• 12 марта 2025

  Санкт-Петербургри илем конкурсне харăсах 3 чăваш хӗрарăмӗ хутшăнать

  Санкт-Петербург хулинче «Миссис Центральный район» конкурс пуçланни пирки пост лартнă «Пуринчен малтан» телеграм-канал. Унта пӗтӗмпе 12 хĕрарăм хутшăнасси паллă.

  
• 07 марта 2025

  Тутарстанри Чӑваш хӗрарӑмӗсен союзӗ Хусанта уяв умӗн пуҫтарӑнчӗ

  Пӗтӗм тӗнчери хӗрарӑмсен кунӗ умӗн Тутарстанри Чӑваш хӗрарӑмӗсен союзӗн активисчӗсем парне айне пулчӗҫ тесен те йӑнӑш мар.

  
• 30 января 2025

  Анатолий Музыкантова юбилей каҫӗнче орденпа чысларӗҫ

  Туслӑха тытма пӗлет Музыкантов. Паллӑ балетмейстера саламлама Тутарстанран ентешӗсем, Пушкӑртстанран, Марий Элтан килнӗччӗ.