News by tag - Образование

• 17 июня 2025

  Тутарстанра нумай ачаллă çемьесен колледжра вӗренекен ачисене укçа-тенкӗ парса пулăшасшăн

  Тутарстанра нумай ачаллă çемьесен колледжра вӗренекен ачисене укçа-тенкӗ парса пулăшасшăн. Министрсен Кабинечӗн постановленийӗн проектне республикăри коррупцие хирӗç кӗрешекен комиссин сайтӗнче пичетленӗ.

  
• 15 июня 2025

  Шкулсенче агротехнологи класӗсем ӗçлеме пуçлаççӗ

  Ял хуçалăхӗнче паян лару-тăру мӗнлерех? Пӗтӗмӗшле илсен çӗршыв экономикин çак отраслӗн аталанăвӗ нумай вăхăт тимлӗх çителӗксӗррипе чакса пычӗ, анчах юлашки çулсенче лару-тăру лайăх енне улшăнса пыни куçкӗрет. 2025 çулта Тутарстанра агропромышленность комплексне аталантарас ӗçе 15,1 миллиард тенкӗ уйăрнă, пӗлтӗрхинчен 1,4 миллиард тенкӗ ытларах.

  
• 14 июня 2025

  Чăваш шкулӗсене часах çӗнӗ кӗнекесем çитӗç

  Тутарстанри чăваш шкулӗсем кӗçех тăван литературăпа çӗнӗ кӗнекесем илӗç. Çӗнӗ вӗренӳ çулӗ умӗн питӗ те савăнтаракан хыпар. Ăна пире Тутар кӗнеке издательствин директорӗ Ильдар Сагдатшин пӗлтерчӗ. ТР Раисӗ çумӗнчи Тутар чӗлхине тата Тутарстанра пурăнакан ытти халăхсен чӗлхисене аталантарассипе комисси ӗçлеме пуçланăранпа наци вӗрентӗвӗпе çыхăннă ыйтусем хăвăрт татăлма пуçларӗç. Комисси ертӳçи Марат Ахметов çине тăнипе наци шкулӗсене планпа методика тата вӗрентӳ пособийӗсемпе тивӗçтерсе пыраççӗ, халӗ акă черет литература патне çитрӗ. Ильдар Сагдатшин пӗлтернӗ тăрăх, пурӗ 11 пин кӗнеке туяннă наци шкулӗсем валли. Сăмах чăваш, мари, мордва, удмурт шкулӗсем пирки. Кама мӗн чухлӗ кӗнеке парасси, вӗсене мӗнле майпа салатасси пирки пулчӗ пирӗн интервью издательство директорӗпе.

  
• 29 мая 2025

  Хусанта Пӗтӗм Раççейри тата республикăри олимпиадăсен çӗнтерӳçисене тата вӗсене хатӗрлекенсене чысларӗç

  Майăн 28-мӗшӗнче Пӗтӗм Раççейри тата республика олимпиадин призерӗсемпе çӗнтерӳçисем тата вӗсене хатӗрленӗ вӗрентекенсемпе наставниксем Атăлçи патшалăх физкультура, спорт тата туризм университетӗнче пуçтарăнчӗç.

  
• 20 мая 2025

  «Хресчен кил картишӗнче» интересли нумай

  Çу уйăхӗн 16-мӗшӗнче Çӗнӗ Упири вăтам классенче вӗренекенсем уроксем хыççăн «Хресчен кил картишӗнче» квест-вӑййа хутшӑнчӗç. Хутшăнакансем командӑсем çине пайланчӗç те «хресчен пӳрчӗ» тӑрӑх тӗлӗнмелле «çулçӳреве» кайрӗç.

  
• 03 мая 2025

  Конференци çулсерен сумлăрах

  Пӗрремӗш хут конференцие 2022 çулта Çӗнӗ Йӗлмелӗнчи шкулта чăваш чӗлхипе литературине вӗрентекен Марина Анатольевна Захарова тăрăшнипе йӗркеленӗ. Районта тӗрлӗ наци çыннисен ачисем пурăннине кура-и, конференцие хутшăнакансен тăван чӗлхипе вулама ирӗк пур. Çакă аван та, форум урăх наци çыннисен ачисене чăваш культурипе паллаштарать, интересленме май парать.

  
• 27 апреля 2025

  Ача сачӗсем валли – ӗç тетрачӗсем

  Чăваш кӗнеке издательстви С.В.Матвеева, Е.И.Панина, И.В.Ядранская, Г.В.Плетеневская, Л.А.Егорова авторсемпе пӗрле шкул çулне çитмен ачасене чăвашла вулама-шутлама вӗрентмелли виçӗ ӗç тетрачӗ хатӗрлесе кăларчӗ. Тетрадьсене тăван чăваш чӗлхипе çырнă, ӳкерчӗкӗсене тӗрлӗ тӗслӗ сăрăсемпе ӳкернӗ.

  
• 25 апреля 2025

  Максим Кузнецов: «Чăваш хӗрне халалласа сăвă та çыртăм»

  Максим Кузнецовпа паллашни виç-тăватă çул та пур пулӗ. Вăл вырăс ачи, çамрăк ăсчах, Раççей наука академийӗн Хусан наука центрӗн сотрудникӗ, полиглот. Çамрăк ăсчах вак тата Атăлçи халăхӗсен чӗлхисене тӗпчессипе ӗçлет. Кӗске хушăрах удмурт, тутар чӗлхисене алла илнӗскер нумай пулмасть чăвашла та калаçма пуçланă. Калаçнисӗр пуçне грамматикине алла илнӗ. Ку кăна та мар, тутар чӗлхине вӗренес текенсем валли кӗнеке кăларнă.

  
• 25 апреля 2025

  Манас марччӗ чӑваш чӗлхине!

  Апрелӗн 25-мӗшӗнче эпир Чăваш чӗлхи кунне уявлатпăр. Çак кун пирӗн Аслӑ Вӗрентекенӗмӗр Иван Яковлевич Яковлев çуралнӑ. «Пӗр чӗлхе – пӗр ӑс, икӗ чӗлхе – икӗ ӑс», – тенӗ вӑл. Тӑван чӗлхепе пӗрле вырӑс чӗлхине те лайăх пӗлмелле.

  
• 23 апреля 2025

  Тутарстансем чӑваш диктантне ҫырчӗҫ

  Раççейри Тăван çĕршыв хӳтĕлевçин çулталăкне тата Чăваш Енри Çĕнтерӳпе патриотлăх çулталăкне халалланă «Пĕтĕм чăваш диктанчĕ – 2025» акцие Тутарстанри чӑваш шкулӗсем хастар хутшӑнчӗҫ.

  
• 23 апреля 2025

  Педагогсене, студентсене тата шкул ачисене акцие хутшӑнма чӗнеççӗ

  Пӗтӗм Раççейри «Без срока давности. Кино о Победе» çутӗç акцине заявка йышăнас кампани майӑн 1-мӗшӗччен тăсăлать. Унта хутшăнас текенсем Тӑван çӗршывӑн Аслӑ вӑрçине тата совет халӑхӗн геноцидне халалланӑ кӗске видеороликсем туса хатӗрлемелле.

  
• 12 апреля 2025

  Пирӗн вӗренекен Мускавра иртнӗ конкурса хутшăнчӗ

  Пӗлтӗрхи сентябрьте «Туристический код моей страны, города, поселка, района – PRO туризм» III Халăхсен хушшинчи конкурс пуçланни çинчен пӗлсенех унта хутшăнма шутларăмăр. Кăçалхи февральте куçăн тапхăра пыма чӗнсе ячӗç. Вăл Мускавра мартăн 18 – 20-мӗшӗсенче иртрӗ. 2500 ӗçрен комисси 50 номинаципе 4 ӳсӗм категорийӗнче 543 ӗçе суйласа илнӗ. Конкурса хутшăнакансем Мускава хамăр çӗршыври 89 регионран, Таджикистанран, Узбекистанран, Туркменистанран, Кыргызстанран, Казахстанран, Болгарирен, Сербирен килнӗччӗ.

  
• 11 апреля 2025

  Шупашкарта Раççей Геройӗпе Николай Гавриловпа тӗлпулу иртрӗ

  Апрелӗн 8-мӗшӗнче Шупашкарти Пичет çуртӗнче Раççей Геройӗпе Николай Гавриловпа тӗлпулу иртрӗ. Унта кӗнеке кăларакансем, журналистсем, шкул ачисем, волонтерсем, артистсем хутшăнчӗç.

  
• 09 апреля 2025

  Писательпе куçа-куçăн курса калаçни уйрăмах асра юлӗ

  Апрелӗн 7-мӗшӗнче Çӗпрел районӗнчи Хулаçырми ялӗн шкулӗнче писатель-журналистпа Николай Николаевич Ларионовпа питӗ интереслӗ тӗлпулу иртнӗ.

  
• 04 апреля 2025

  Тутарстанра 1000 ытла площадкăра чӗлхе пӗлӗвне тӗрӗслеме пулать

  Ыран, апрелӗн 5-мӗшӗнче тӗнчипех «Тотальный диктант» çӳтӗç акци иртет. Тутарстанра пурăнакансем те хăйӗн чӗлхе пӗлӗвне тӗрӗслеме май пур. Кӑҫал мероприятие ирттерме «Казаньоргсинтез» предприяти пулӑшать.