ТР Раисӗ Рустам Минниханов Крым Республикинче пурăнакансене историлле кунпа саламланă

«Мартăн 18-мӗшӗнче çӗршыв историйӗнчи паллă куна – Крым Раççейпе пӗрлешнине –  паллă тăватпăр.Çурутрав мӗнле улшăннине, инфраструктурипе экономики аталаннине, пирӗн регионсем хушшинчи культура çыхăнăвӗсем çирӗпленнине куратпăр», –  тенӗ республика ертӳçи.

Çак куна халалланă мероприятисем, флешмобсем Тутарстанра та иртеççӗ. Хусанти тӗп телебашня паян, мартăн 18-мӗшӗнче, каçхине 18 сехетрен пуçласа 23 сехетчен, Раççей Федерацийӗн ялавӗн тӗсӗпе çуннисӗр пуçне ун çинче «Крым – это Россия!» тата «18 марта – День воссоединения Крыма с Россией» тесе çырнă текстлă информаци пулать.

Аса илтеретпӗр, шăп 12 çул каялла çак кун Мускав Кремлӗнче РФ Президенчӗ Владимир Путин, Крым Патшалăх Канашӗн председателӗ Владимир Константинов, республикăн премьер-министрӗ Сергей Аксёнов тата Севастополь Пуçлăхӗ Алексей Чалый субъектсене Раççей йышне илни çинчен алă пуснă. (Салават Камалетдинов / «Татар-информ» сăнӳкерчӗкӗ).