Учука така пусса ҫиетпӗр

Ҫарӑмсан районӗнчи Ҫӗнӗ Йӗлмелӗнче Ҫимӗк иртес кӗҫнерникун Учук ирттереҫҫӗ. Унта пӗтӗм ял халӑхӗ - ватти-вӗтти, арҫынни-хӗрарӑмӗ - пуҫтарӑнать. 

Ҫав кун йӑла йӗркипе выльӑх пусаҫҫӗ. Ҫӗнӗ Йӗлмелӗре сак йӑлана ҫирӗп тытса пыраҫҫӗ. Ял ҫыннисенчен кам-тӑр сурӑх парнелет. Кӑҫал Константин Симухин ҫапла турӗ. Учукра такана пусса пӗҫерсе ҫиеҫҫӗ. Ял йышӑн пӗрлӗхне палӑртакан йӑла вӑл пирӗншӗн. Малашне те ӑна пурнӑҫлама Турӑ ҫыртӑр. Пысӑк мешехе йӗркелекенсӗр пулмасть. Кӑҫал Любовь Портновапа Василий Ильдиряков  хӑйсем сине тиерӗҫ сак яваплӑ ӗҫе. Вӗсене Культура ҫурчӗн ӗҫченӗсем пулӑшрӗҫ.