Выльăх тытакансене субсиди параççӗ
Сăвăнакан ӗне, качака тата лаша тытакан харпăр хуçалăхсене тăкакăн пӗр пайне саплаштармашкăн патшалăх субсиди парать. ТР Ял хуçалăхӗпе апат-çимӗç министерстви заявкăсене апрелӗн 5-19-мӗшӗсенче йышăнассине пӗлтерет ведомствăн пресс-служби.
ТР Министрсен Кабинечӗн 2021 çулхи июнӗн 15-мӗшӗнче тухнă «Тутарстан Республикин территорийӗнче харпăр хуçалăх тытакансене пулăшу парасси çинчен» постановленийӗпе килӗшӳллӗн, харпăр хуçалăхсене сăвăнакан пӗр ӗне тытнăшăн — 2, икӗ ӗнешӗн — 3, виççӗ е ытларах ӗнешӗн кашни пуçшăн 4-пиншер тенкӗ укçа параççӗ. Енчен те 500 тенкӗлӗх ветеринари мероприятийӗсем ирттерме килӗшӳ тунă-тăк, кашни ӗне пуçне тата 500-шер тенкӗ хушса тӳлеççӗ.
3 çултан аслăрах кӗсресем усракан харпăр хуçалăхсене вара кашни пуçшăн 5-шер пин тенкӗ параççӗ.
Документсене «Мои субсидии» система урлă электронлă майпа памалла.
Тӗплӗнрех 8(843)221-76-88 (8801) телефонпа ыйтса пӗлме пулать.
Следите за самым важным и интересным в Telegram-каналеТатмедиа
Нет комментариев