Çӗнӗ çул каçне уяв пек чаплăн ирттерме хатӗрленмелле

ТАКА 21.III – 20.IV 

Эрне пуçламăшӗнчех иксӗлми хăват туятăр.  Çакăнпа пӗрлех сирӗнте пуçаруçă вăранать, çӗнӗрен те çӗнӗ идейăсем пуçра çуралаççӗ. Харăсах темиçе проекта пурнăçлама ан васкăр, вăй-хала перекетлеме пӗлмелле. 

ВĂКĂР 21.IV – 20.V 

Канса вăй пухасси çине пусăм тумалла сирӗн. Çемьепе пуçтарăнса чуна уçса калаçма меллӗ вăхăт. Ӗçпе çыхăннă идейăсем уяв кунӗсенче те пуçа килӗç, çавăнпа блокнотпа ручкăна алăрах тытăр. 

ЙӖКӖРЕШСЕМ 21.V – 21.VI 

Эрнене савăнăçлă кăмăлпа пуçлатăр. Çӗн çынсемпе паллашасси, кăмăллă пӗлӗшсемпе тӗл пуласси умра. Анчах эрне варринче татса паман ыйтусене тимлемелле (çӗнӗ çула сӗтӗрсе кӗреймӗн-çке вӗсене). Çын элекне хăлхăра ан чикӗр.

РАК 22.VI – 22.VII 

Сире халь хăтлăх, ăшă вырăн кирлӗ. Кил-çурта илемлетме, çемьене савăнăç кӳме лайăх ку эрнере. Улшăнусене йышăнма хатӗр пулсан, ӗçре çутă малашлăх кӗтет сире çӗнӗ çулта.  Иртнисене аса илсе нушаланма кирлӗ мар, вăл иртнӗ. 

АРĂСЛАН 23.VII – 22.VIII 

Эрне пысăк хăвăртлăхпа иртсе каять. Уявра çынсен тимлӗхӗ пӗр сирӗн çинче пулӗ – эсир илӗртӳллӗ, шӳте ăста тата çаврăнăçуллă.

Професси енӗпе интереслӗ сӗнӳ пулать, анчах ăна йышăниччен  тӗплӗн шутламалла. 

 ХӖР 23.VIII – 22.IX 

Йӗрке тума, малашлăха планлама меллӗ вăхăт. Эсир ӗç çине питӗ шухăшлăн, çирӗп пăхатăр, çакă хăйне тӳрре кăларать, тупăш кӳрет. Кану çинчен ан манăр, çемьери çынсене критиклессинчен тытăнса тăрăр.

ТАРАСА 23.IX – 23.X 

2024 çулăн юлашки кунӗсене çăмăллăн, хавхаланупа ирттеретӗр. Халь сирӗншӗн творчество, çынсемпе хутшăнни питӗ пӗлтерӗшлӗ. Çыхăнусене çирӗплетме, малашлăха плансем тума усă курăр çак кунсемпе. 

СКОРПИОН 24.X – 22.XI 

Хăвăра вăйпитти туятăр çак кунсенче, малалла талпăнма пысăк сăлтав та пулать. Çавăнпа эрне питӗ хӗрӳ иртет. Таврари çынсемпе те, хăвăрпа та тӳрӗ кăмăллă пулмалла. 

УХĂÇĂ 23.XI – 21.XII 

Оптимизмпа авăрланнăскер, эсир малалла куçма хатӗр. Тухса каякан çулран чи лайăххине илсе çӗнӗ çула куçма хатӗр эсир. Ырра шанакан çынсемпе пулăр, харăсах темиçе ӗçе ан кӳлӗнӗр. 

ТУ КАЧАКИ 22.XII – 20.I 

Тунтикунранах хăвăра лăпкăн, çирӗппӗн туятăр. Ытти чухнехи пекех кунсене усăллă ирттерме шутлатăр, эсир шутланă пек пулать те. Кану çинчен ан манăр, ытлашши ӗçлени сывлăхăршăн сиенлӗ пулӗ.

ШЫВТĂКАН 21.I – 19.II 

Кӗтмен ӗçсем, кӗтмен хыпарсем пайтах пулаççӗ çак кунсенче. Çӗнӗ çынсемпе паллашатăр-и, интереслӗ сӗнӳ тăваççӗ-и сире – пурте сирӗншӗн кăсăк. Хăвăршăн пӗлтерӗшлӗ йышăну тăвассине ырана ан хăварăр. 

ПУЛĂСЕМ 20.II – 20.III 

Çак кунсенче çулталăка пӗтӗмлетессипе ӗçлетӗр, хăвăршăн мӗн пӗлтерӗшлӗреххине суйласа илмеллех. Ку тапхăр канма та, çывăх çынсемпе хутшăнма та меллӗ вăхăт. Пулса иртекен самантпа киленӗр, çынсенчен ютшăнса пӗр-пӗччен юлни халь тӗрӗс мар.