Эрнелĕх гороскоп

ТАКА 21.III-20.IV

Питӗ ăнăçлă эрне сирӗншӗн. Ку тапхăрти паллашусем интереслӗ проектсемпе ӗçлеме май парӗç. Çӗнӗ идейăсемпе кăсăкланăр, теветкелленме ан шикленӗр. Эрнен иккӗмӗш çурринче харкам пурнăçра кӗтмен сюрпризсем пулӗç. 

ВĂКĂР 21.IV-20.V 

Улшăнусем нумай пулаççӗ. Тен, пурăнакан вырăнтан яланлăхах куçса каякансем те тупăнӗç сирӗн хушăра. Хăнăхнă çӗрте юлакансем те пурнăçне çӗнӗрен пуçлас тейӗç. Сирӗншӗн чи пӗлтерӗшли — хăвăрпа килӗшӳ тупни.

ЙӖКӖРЕШСЕМ 21.V-21.VI 

Çак кунсенче пулса иртекен ӗçсемпе кăмăлăр тулать, интереслӗ çынсемпе тӗл пулни çӗнӗ идейăсем çуратать. Хăвăрта иксӗлми вăй-хăват туятăр, хăвăртрах алла ӗç тытас килет. 

РАК 22.VI-22.VII 

Мӗнле-тӗр йывăрлăхсем тӗл пулаççӗ çул çинче. Кун пирки пуçа усма кирлӗ мар, çӗнтерме çук чăрмавсем пулмаççӗ. Хăвăра шанăр, интуици сире пулăшса пырӗ. Ӗçре пӗчӗк çитӗнӳсем кăмăлăра çӗклӗç. Çемьере мăшăрăрпа кăмăлăрсем пӗр килмесен те килӗштерме тăрăшмалла.

АРĂСЛАН 23.VII-22.VIII 

Эсир хăвăрта лидер пултарулăхне туйни, шанни темӗнле пысăк чăрмава та çӗнтерме пулăшать. Йышăну тунă чух хăюллă пулăр, уйрăмах сăмах карьера пирки пынă чухне. Çемьере çывăх çыннăрсемпе çепӗçрех пулсан хирӗçӳсем тухмӗç.

ХӖР 23.VIII-22.IX 

Ку эрнере тавракурăмăра аталантарма та, ăс-хакăлăра тишкерме те вăхăт пулать. Ӗçӗрте васкавлă йышăнусем тума хушмаççӗ çăлтăрсем. Кулленхи ӗçсене пурнăçланипех çырлахăр çак кунсенче. Харкам хутшăнусенче пӗр-пӗрне ăнланни, хисеплени пӗлтерӗшлӗ.

ТАРАСА 23.IX-23.X 

Çын çинче иртет эрне, тăтăшах çӗнӗ паллашусем. Хăвăра çынпа сапăр тыткалани сире илӗртӳлӗх хушать, çакă профессире те çитӗнӳ тума пулăшать. Çӗнӗ идейăсене йышăнма хатӗр пулăр, шухăшăрсене таврари çынсене калама ан именӗр. 

СКОРПИОН 24.X-22.XI 

Хумханмалли тупăнсах тăрать. Хăвăрăн вăйлă интуици пулăшнипе темӗнле кăткăс лару-тăруран та ăнăçлăн тухатăр. Харкам хутшăнусенче калаçусем пысăк вырăн йышăнаççӗ, вӗсене пула çыхăнусем çирӗпленеççӗ. 

УХĂÇĂ 23.XI-21.XII

Ку эрне сире шутланисене пурнăçлама çӗнӗ шанăç кӳрет, тавракурăма аталантарма та, тӗрлӗ мыскарасене лекме те ансат. Нумай пӗлме тăрăшни, оптимист пулни сире çӗнӗ çынсемпе паллаштарать, интереслӗ тӗлпулусем кӗтеççӗ. Çула тухма, вӗренме, çӗнӗ проектсене пуçăнма ăнăçлă вăхăт ку тапхăр. 

ТУ КАЧАКИ 22.XII-20.I

Профессире ӳсме меллӗ эрне. Эсир тăрăшнине пуçлăх асăрхать, тен, çӗнӗ, интереслӗ проектсем шанса парать. Ӗçпе çемье хушшинче килӗшӳ тупма тăрăшмалла. Çывăх çынсемпе чăтăмлăрах пулмалла.

ШЫВТĂКАН 21.I-19.II 

Çак кунсенче пурнăçăр хăй еккипе лăпкăн пыма пуçланине асăрхатăр. Тен, ку çӗнӗ хутшăнусемпе çыхăннă, тен, ӗç йӗркипе е çирӗпрех дисциплинăна хăнăхассипе. Канма вăхăт тупăр, пӗчӗк-пӗчӗк савăнăçсемпе те чунтан киленме пулать. 

ПУЛĂСЕМ 20.II-20.III 

Ку эрнере хумханма, творчество пултарулăхне кăтартма сăлтав тупăнсах тăрать. Таврари çынсене нихăçанхинчен лайăх ăнланатăр, интуици питӗ çивӗч. Ӗçре креативлă идейăсем сӗнме хăрамалла мар, сире тимлӗç. Тахçанхи ыйтусене татса пама çӗнӗ меслетсем шутласа кăларатăр.