Эрнелӗх гороскоп 15.06 – 21.06

ТАКА 21.III – 20.IV

Ытларикун иккӗрен пӗрне суйласа илмелле – хăвăртлăх кирлӗрех-и, пахалăх-и? Иккӗмӗшне суйласа тӗрӗс тунине пурнăç кăтартса парӗ. Эрнекун лотерея билечӗ туянăр, выляса илес шанăç пысăк. 

ВĂКĂР 21.IV – 20.V

Тунтикун сантехника чӗнме тивет, мӗн-тӗр ванать сирӗн ваннăйра. Ӗçре-и, юлташăрсен хушшинче-и, сирӗнте айăп туйăмне вăратасшăн пулӗç. Ан йышăнăр, ан итлӗр. Кӗçнерникун кухня валли мӗн-тӗр туянма лайăх, пӗр-пӗр ӳсен-тăран илсен те аван. 

ЙӖКӖРЕШСЕМ 21.V – 21.VI

Ку эрнере хăвăра  детектив пек туятăр: çухалнă квитанци, манăçнă пароль, пӗрре вуласах ăнланма çук смс-çыру... Çаксем пурте пӗр-пӗринпе тачă çыхăннă иккен. Тупсăмне пӗр эсир çеç пӗлетӗр.  Юнкун эсир кашни утăмра мӗн-тӗр манатăр, асăрхануллăрах пулăр. 

РАК 22.VI – 22.VII 

Çак эрнере сире усал вăйсенчен хӳтӗлекен япала сӗнӗç, илӗр. Уйăхӗпех талисман пулса упрӗ вăл. Халь сирӗн вăй-хал шывран килет – шыв ӗçӗр, шыва кӗрӗр, çыр­ма хӗрринче канса ларăр.

АРĂСЛАН 23.VII – 22.VIII

Тунтикун пулса иртекен лару-тӑрура импровизаци тума хатӗр пулăр. Ытларикун ырă хыпарпа асра юлӗ. Эрне варринче сире илӗртӳллӗ сӗнӳ парӗç, анчах çакăн çинчен пӗр сехет никама та ан калăр. 

ХӖР 23.VIII – 22.IX 

Ытларикун ӗçтешӗр йăнăшнипе хатӗр проекта тӳрлетме тивет. Юнкун холодильнике, аптечкăна тӗрӗслемелле – срокран тухнă эмелсене, апат-çимӗçе пӗр шелсӗр пăрахмалла. Кӗçнерникун хăвăртан самай аслăрах е кӗçӗнрех çын сăмахӗсене тимлени усăллă.

ТАРАСА 23.IX – 23.X 

Çак кунсенче икӗ лайăх вариантран пӗрне суйласа илмелле. Ку сире питӗ савăнтарать, хуть хăшне суйласан та лайăх пулать-çке. Çак кунсенче тӗлӗнмелле ӗç пулса иртет: çынна аса илсенех унпа тӗл пулатăр е унран хыпар илетӗр.  

СКОРПИОН 24.X – 22.XI 

Тунтикун çынна вăл е ку ӗçе тума мӗн хистенине ăнланатăр. Ытларикун укçа илетӗр, куçараканни кам пулнине пӗлсен тӗлӗнетӗр.  Юнкун ваннă япалана юсамалла теççӗ çăлтăрсем. 

УХĂÇĂ 23.XI – 21.XII 

Тунтикунах эсир пит хавхалануллă, вăй-хăватăр виçӗ куна та çитӗ. Çак кунсенче куç тӗлне пӗр кивӗ картта лекет, çулçӳревçӗсем çинчен çырнă кӗнеке тӗлне пулатăр. Хăвăр та çула тухăттăрччӗ – хальлӗхе май килмест. 

ТУ КАЧАКИ 22.XII – 20.I 

Эрне пуçламăшӗнчех дипломат тивӗçӗсене пурнăçламалла: хирӗçекенсене мирлештермелле. Ытларикун бюджет планлама лайăх вăхăт. Юнкун мероприятире паллашнă çынсенчен пӗринпе ӳлӗм пӗрлехи проектсемпе ӗçлӗр. 

ШЫВТĂКАН 21.I – 19.II

Тунтикун сире кашни хăйӗн идейине сӗнӗ, сирӗн тӗллев – чи лайăххине суйласа илесси. Юнкун ал вăйӗ­пе тумалли ӗçсемпе аппаланмалла, тӗслӗхрен, кил-çурта пуçтармалла. 

ПУЛĂСЕМ 20.II – 20.III 

Гардеробри пӗр япала та çынна тӗпрен улăштарать иккен – уттăр та урăхларах, калаçăвăр та. Юнкун ӳнер ӗçӗпе аппаланас килӗ – ӳкерессипе-и, тăмран кӗлетке йăвалассипе-и...  Кӗçнерникун электроприборсемпе ӗçленӗ чух асăрхануллă пулмалла.