Ку эрнере пушă вăхăт тупăнсан çӗнӗ çынсемпе паллашни ӗçре те, туслăхра та усăллă пулӗ

ТАКА 21.III – 20.IV 

Хăвăр япăх пӗлекен ӗçе пуçăнмалла мар. Шутланине пурнăçлама хыпар çителӗксӗр пулни чăрмантарать. Иккӗлентерекен çынсемпе ан явăçăр, сисчӗвлентерекен ӗçе кӗрсе каясран асăрханăр. 

ВĂКĂР 21.IV – 20.V 

Пысăк япала туянни, уйрăмах куçман пурлăх, ăнать. Еткер, страховани докуменчӗсене йӗркелеме аван вăхăт. Машинăпа çӳрекенсен асăрхануллăрах пулмалла. 

ЙӖКӖРЕШСЕМ 21.V – 21.VI 

Нумай вăхăта пыракан проектсене планлама меллӗ çак кунсенче. Енчен те ӗçсене маларах палăртасси сирӗн йăлара мар-тăк, юлашки самантра хăвăрт-хăвăрт йышăну тума тивет. 

РАК 22.VI – 22.VII 

Эсир хăвăра начар туйни, мӗн пирки-тӗр сăлтавсăрах хумханни сирӗн паллăри планетăсен витӗмӗпе çыхăннă. Кăмăл пусăрăнни, çак кунсенче пулса иртекен пулăмсенче начаррине çеç курни чире яма пултарать. Хăвăра алла илсе кăмăла çӗклекеннине тупăр – спортпа аппаланăр, лавккаран хитре япала туянăр.

АРĂСЛАН 23.VII – 22.VIII 

Çак кунсенче ытлашшипех тăкакланма тивӗ. Туяннă япаласем те савăнтармӗç: е мая килмӗç, е ванӗç. Çăлтăрсем халь çынна кивçен пама хушмаççӗ. Çынсемпе хирӗçесрен асăрханăр.

ХӖР 23.VIII – 22.IX 

«Хӗвел айӗнчи вырăншăн» кӗрешмелли вăхăт сирӗн халь, кану çинчен ан шутлăр. Хăюсăр, мăран пулни карьерăра ӳсме чăрмантарать. Хăвăра тӳрре кăларма та сăлтав тупăнмӗ.

ТАРАСА 23.IX – 23.X 

Сывлăха çирӗплетессишӗн, илемлӗрех пулассишӗн тăрăшма вăхăт çитрӗ. Енчен те халиччен ыратнине, аманнине «хăйех» иртет тенӗ пулсан, çак эрнере больницăна кайсах тӗрӗсленмелле. Сывлăх çине тăкакланă укçа хăйне тӳрре кăларать.

СКОРПИОН 24.X – 22.XI 

Пӗлнине вăрттăнлăхра тытайманнишӗн çак кунсенче ӳкӗнме тивӗ. Хăвăрпа пулса иртнине пурне те каламасан та юрать. Йӗри-тавра  курайман, ăмсанакан çысем, сăмахăрсемпе усă курса чăрмав кăларса тăратӗç умăра.

УХĂÇĂ 23.XI – 21.XII 

Çывăх çынпа хутшăнусене лайăхлатма тăрăшмалла. Çемьере кунсем пӗрешкел иртни тунсăх çуратать. Юратнă çыннăра романтикăллă тӗлпулăва чӗнни, романтикăлла каç йӗркелени, ун валли парне хатӗрлени  туйăмсене çӗнетӗ. 

ТУ КАЧАКИ 22.XII – 20.I 

Шутламасăр каланă сăмахсем пирки ӳкӗнме тивӗ, асăрхануллăрах пулăр. Мӗн-тӗр вăрттăнлăхра хăварас тени кăлăхах. Ултав çиеле тухать, хăвăрах айăпа кăларать. 

ШЫВТĂКАН 21.I – 19.II 

Хăйне евӗрлӗ, экстравагантлă пулнине, пӗрре курсах ӗмӗрлӗхе асра юлма тăрăшнине çынсем йышăнмӗç. Ыттисем пекех ыйтусене татса паратăр. Нушаланасси те пулать, сăпайлăхӗ те ыттисенчен кая мар – ан вăтанăр кăтартма, сире лайăхрах ăнланӗç, ытларах кăмăллӗç.

ПУЛĂСЕМ 20.II – 20.III 

Ку эрнере килӗшӳпе юрату сирӗн шухăшсем, ӗçсем çине витӗм кӳреççӗ. Çавăнпах çемьере савăнăç, килӗшӳ хуçаланать. Пӗчченнисене кăмăлласа пăхакансем йышланаççӗ. Сирӗн илеме, илӗртӳлӗхе асăрхаман çын юлмӗ.