Мӗн кӗтет-ши пире ку эрнере?

ТАКА 21.III – 20.IV

Çак эрне ырӑ та кӑмӑллӑ пулӑмпа асра юлӗ. Çывăх вӑхӑтра тӗллевӗре палӑртмалла, интуицие ытларах шанмалла. Юратнă çынсемпе хутшӑнусенче çемçе кăмăллă, тимлӗ пулăр. Хăвăра кăнттамрах тыткаласан хирӗçӳ сиксе тухӗ. 

ВĂКĂР 21.IV – 20.V

Çӗнӗ проектсене пуçăнма меллӗ вăхăт. Юлташсемпе тата çемьепе хутшӑнни ырӑ туйӑм кӳрӗ. Хӗрарӑмсен ку эрнере паллашнă çынпа романтикăллă хутшăнусем пуçланӗç. Арçынсен харкам пурнӑçра улшӑну пулма пултарать. 

ЙӖКӖРЕШСЕМ 21.V – 21.VI 

Ку эрнере  укçа-тенкӗ тупма  май пулать. Çӑлтӑрсем куçман пурлӑха е автомобиль отрасльне инвестици хывакансемшӗн тухăçлă эрне пуласса систереççӗ. Çывӑх çынсене пулӑшма ан ӳркенӗр, çакă хутшӑнусене лайӑхлатӗ.

РАК 22.VI – 22.VII 

Эрнен пӗрремӗш çурринче сапӑр, çепӗç пулмалла. Унсӑрӑн планăрсене пурнӑçлама чӑрмантаракан тӑшман тупăнӗ. Пăсăлнă апат-çимӗç çиесрен асăрханăр, вар-хырăм аптратӗ. Эрнен иккӗмӗш çурринче юлташсемпе тӗл пулни савӑнтарӗ.

АРĂСЛАН 23.VII – 22.VIII 

Ку эрнере сирӗнпе мӗн кăна пулса иртмест? Кӗтмен çӗртен çулçӳреве тухатăр, халиччен пулман çӗрсенче çӗнӗ çынсемпе паллашатăр, ӗçлӗ сӗнӳсем йышлă илетӗр. Çăлтăрсем шикленме, нумай иккӗленме хушмаççӗ – пурне те йышăнăр, сире усӑ çеç пулӗ.     

ХӖР 23.VIII – 22.IX 

Пурнăçăра çӗнӗлӗхсем кӗреççӗ: инвестици хывасси, вӑй-хал енчен хастарри лайӑх. Ку эрнере укçа тӑкак­лама хăрамалла мар, финанс лару-тăрăвӗ улшăнмӗ. Кӗçнерникунтан йогăпа, спорт уттипе е чупассипе аппаланӑр. 

ТАРАСА 23.IX – 23.X 

Çывăх çыннăрсене тимлӗх уйăрни, пăхни çемьери хутшăнусене çепӗçрех тăвать. Арçынсем çак кунсенче автомобиль туянса питӗ тӗрӗс тăваççӗ. Хӗрарăмсем ӗçлӗ калаçусене ăнăçлă вӗçлеççӗ.

СКОРПИОН 24.X – 22.XI 

Ку эрнере эсир темӗнле кӑткӑс лару-тӑруран та çӑмӑллӑнах тухатăр, юратнӑ çыннăрпа пӗр-пӗрне ӑнланни сире тата ăнăçлăрах тăвать.  Эрнен иккӗмӗш çурринче ӗçлӗ çулçӳревсем тухăçлă пулӗç.

УХĂÇĂ 23.XI – 21.XII 

Канăва мӗнле ирттересси çине эсир пӗр майлă, çемье тепӗр майлă пăхнине ăнланса илетӗр. Çак эрнере сасартăк тăкакланма тивет, çакăншăн çывăх çыннăрсем самай ӳпкелӗç.  Анчах вӗсене итлесе хăвă­ра ан хурлăр. 

ТУ КАЧАКИ 22.XII – 20.I 

Ку эрнере романтикӑлла хутшӑнусенче тимлӗх, асăрханулăх кирлӗ. Енчен те савнă çыннăра япăх пӗлетӗр-тӗк, пӗтӗмпех шанма ан васкӑр. Тен, вăл хăйшӗн çеç тăрăшакан йӗркесӗрскер, кулянтарӗ кӑна. 

ШЫВТĂКАН 21.I – 19.II 

Эрнен пӗрремӗш çурри тӗрлӗ пулӑмсемпе пуян, пӗр-пӗрне ăнланманни те пулать, анчах ку вăхăтлăха çеç. Хӑвӑр мӗн калассине, шантарнине хытă тимлесен лару-тăру çивӗчленмӗ, эмоцисене те сăнасах тăрăр.  

ПУЛĂСЕМ 20.II – 20.III 

Ку эрнере çăлтăрсем таврари çынсемпе хирӗçӳ тухассине систереççӗ. Анчах ку виртуаллӑ  тӗнчене кăмăллакансене пырса тивет. Çывӑх çыннисен сӗнӗвӗсемпе туйӑмӗсене шута илекенсен йăлт йӗркеллӗ пулмалла. Партнерсемпе е ӗçтешсемпе ирттерекен пӗрлехи ӗçсем пысăк тупӑш кӳрӗç. Ыркӑмӑллӑх ӗçӗсене хутшăнмалла.