КĂЧĂР-КĂЧĂР КУПĂСТА САЛАЧӖ

Купăстана турамалла, кишӗре вак турамалла е шултра теркăпа вӗтетмелле. Пысăк савăта ярса лайăх пăтратмалла. Стерилизациленӗ банкăна тултармалла.

Маринада çапла хатӗрлемелле: 1 литр кӗрекен кастрюле шыв ярса вӗреме кӗртмелле. Çулăма чакарса тăвар, сахăр песокӗ, уксус, тип çу ямалла. Сахăрпа тăвар ирӗличчен пăтратса тăмалла. Вӗреме кӗрсен çулăм çинчен илмелле те вӗри маринада банкăна купăста хупланиччен ямалла. Сивӗ çӗре 12 сехете лартмалла. 

1,2 кг купăста, 100 г кишӗр, 0,5 л шыв, 100 г сахăр песокӗ, 0,25 стакан тип çу, 110 мл 9 процентлă уксус, 1 апат кашăкӗ тăвар кирлӗ.

Владимир Васильев сăнӳкерчӗкӗ, «Татар-информ»