News by author - Ирина Кузьмина
-
Çӗпрелсем фронта черетлӗ гуманитари пулăшăвӗ леçсе килчӗç
Çӗпрел район волонтерӗсем Альберт Сулеймановпа Ринат Санатуллов тин кăна фронтран хамăр салтаксемпе офицерсем валли черетлӗ гуманитари пулăшăвӗ леçсе таврăннине пӗлтерет «Тăван ен» район хаçачӗ. Чи килӗ хатӗрсемсӗр пуçне хальхинче УАЗ-469 автомобиль те илсе кайнă.
-
Якурккелӗнчи ыркăмăллăх концертӗнче пухăннă укçа та салтаксем валли
Нурлатсем ятарлă çар операцине хутшăнакансене пулăшас тӗллевпе «ХАМĂРĂННИСЕНЕ ПĂРАХМАСТПĂР» ыркăмăллăх концерчӗсем ирттерессине йăлана кӗртнӗ. Шучӗпе çиччӗмӗш концерт апрелӗн 13-мӗшӗнче Якурккел ялӗнчи Культура çуртӗнче иртнине хыпарлать вырăнти хаçат. Пӗтӗмпе пухăннă 66 000 тенкӗ укçана пӗр пус юлмичченех салтаксем валли чи кирлӗ хатӗрсем туянма куçарӗç.
-
Республикăра хир ӗçӗсем пуçланчӗç
Тутарстан иртнӗ эрнере çӗр ӗçӗсене пуçларӗ. Паянхи кун тӗлне 29 районăн техники кӗрхи тырă калчисене, нумай çул ӳсекен курăка сӳрелесе удобрени сапать, тесе пӗлтерет ТР Ял хуçалăхӗпе апат-çимӗç министерствин пресс-служби.
-
Автоинспекторсем автобуссене тӗрӗслеççӗ
Апрелӗн 11-20-мӗшӗсенче Тутарстан автоинспекторӗсем республикăра «Автобус» профилактика мероприятине ирттереççӗ
-
Тутарстан медиауçлăхне çӗнӗ хаçат «Вамыш» хушăнчӗ
Тиражсем чакса пырсан та пичет изданийӗсем халăха кирлӗ, уйрăмах тăван чӗлхепе тухаççӗ пулсан. Кукмор районӗнче пурăнакан удмуртсем тинех тăван чӗлхепе тухакан пӗрремӗш хаçата алла тытрӗç. Эрне каялла, апрелӗн 5-мӗшӗнче, «Вамыш» («Утăм») район хаçачӗн пӗрремӗш номерӗ пичетленчӗ.
-
Паянтан Аракчино — Тури Услон паром ӗçлеме пуçлать
Паян, апрелӗн 12-мӗшӗнче,15 сехетре Хусанти Аракчиноран Тури Услона паром çӳреме пуçлассине пӗлтерет Атăл урлă паром каçăвӗ социаллă сетьсенчи хăйӗн официаллă сайтӗнче.
-
Хусанта хӳтлӗх вырăнсен (убежище) электронлă карттине хатӗрлес ӗç вӗçленсе пырать
Чрезвычайлă лару-тăрусенче Хусанта 5461 çуртран 2637-шӗн подвалӗ, 35 паркинг тата 10 метро станцийӗ («Аметьевăсăр» пуçне) пытанма юрăхлă. Хальхи вăхăтра Хусанта хӳтлӗх вырăнсен (убежище) электронлă карттине хатӗрлес ӗç вӗçленсе пырать. Çынна пӗр кнопка пуссах çывăхра ăçта пытанмалли вырăна тупма кирлӗ ку.
-
Республикăра шыв шайӗ талăкра 187 сантиметр чухлӗ ӳснӗ
Çурхи ейӳпе çыхăннă лару-тăру хальлӗхе пирӗн республикăра та кăткăс. Вырăн-вырăнпа шыв шайӗ талăкра 187 сантиметр чухлӗ ӳснӗ. Пăва, Азнакай тата Нурлат районӗсенче 6 кӗперпе 3 çула шыв илнӗ.
-
Утарçăсене мӗн хумхантарать паян?
Апас районӗнче утарçăсен ларăвӗ иртнӗ. Утарçăсен сисчӗвленмелли сăлтавӗсем нумай, пуринчен ытла пыл чечекӗллӗ ӳсен-тăран лаптăкне ӳстерме ыйтаççӗ вӗсем.
-
Хусанти Тӗп стадион умӗнчи парковка хупăнать
Хусан варринчи Тӗп стадион хальччен 24,5 пин вырăнлă пулнă-тăк, малашне 9,5 пине сахалланса 15 пине кăна юлать.
-
Пӗкӗлме районӗнче ача çырмана ӳкнӗ
Пӗкӗлме районӗнчи Солояз юханшыв хӗрринче вылянă ачасем 10-ри юлташӗ юнашар çуккине вăхăт иртсен тин асăрханă.
-
Агрокомплекссем опытсăрах ӗçе илме хатӗр
Агропромышленнăçра ӗçлекен Тутарстан компанийӗсем ӗçе опыт пуррисене те, опытсăррисене те илме хатӗр. Кăна Россельхозбанк «Я в Агро» платформăра ваккансисен тӗпчевне ирттерсе палăртнă.
-
Выльăх тытакансене субсиди параççӗ
Сăвăнакан ӗне, качака тата лаша тытакан харпăр хуçалăхсене тăкакăн пӗр пайне саплаштармашкăн патшалăх субсиди парать. ТР Ял хуçалăхӗпе апат-çимӗç министерстви заявкăсене апрелӗн 5-19-мӗшӗсенче йышăнассине пӗлтерет ведомствăн пресс-служби.
-
Тутарстанри 32 яла шыв илме пултарать
ТР Гидрометцентрӗн прогнозӗпе кăçал çуркунне республикăри 13 районти 32 яла шыв илме пултарать. Ку вăл пӗтӗмпе 2,3 пин çын пурăнакан пин ытла çурт.
-
Сӗве урлă каçма çук
Пăва районӗнче çурхи ейӗве пула Кильдураз, Хăят ялӗсен çывăхӗсенче Сӗве юханшывӗ çырантан тухнипе апрелӗн 2-мӗшӗнчен кунти кӗперсем урлă çуран та, транспортпа та каçса çӳреме чарнă.