News by author - Ирина Кузьмина

18 сентября 2026
15 сехет тӗлне Тутарстанра суйлавçăсен 23,5 проценчӗ сасăланă

15 сехет тӗлне республикăра суйлавçăсен 23, 5 проценчӗ сасăланă, кун çинчен ТР Тӗп суйлав комиссийӗн председателӗ А.С. Кондратьев «Татар-информ» ИА иртнӗ пресс-конференцире пӗлтерчӗ.
18 сентября 2026
Тутарстанра суйлав хăй йӗркипе иртет

Сентябрӗн 18-19 тата 20-мӗшӗсенче РФ Патшалăх Думин IX пухăвне депутатсем суйлатпăр. Ирхине 8 сехетре республикăри мӗнпур суйлав участокӗ уçăлнă, суйлавçăсене йышăнма вӗсенче йăлт хатӗр, виçĕ кун та каçхине 20:00 сехетчен ӗçлеççӗ. Суйлав хăй йӗркипе пырать, кун çинчен Тутарстанăн Тӗп суйлав комиссийӗн председателӗ А.С. Кондратьев «Татар-информ» ИАра иртнӗ пресс-конференцире пӗлтерчӗ.
18 сентября 2026
Суварçăсемпе паллашнă хыççăн чăвашла çырма тытăннă

Тунтикун пире, «Сувар» хаçат редакцийӗн ӗçченӗсене, интереслӗ тӗлпулусемпе савăнтарчӗ. Хăнасенчен пӗри хисеплӗ педагогика ветеранӗ, таврапӗлӳçӗ-çыравçă Аркадий Аркадьевич Михайлов-Юмарт пулчӗ. Самай сумлă виçӗ кӗнеке кăларнă автора ТР ЧНКА çумӗнчи Чăваш çыравçисен союзӗн йышне кăçал июлӗн 27-мӗшӗнче илчӗç. Удостоверение вара Союзăн ертӳçи, «Сувар» хаçатăн тӗп редакторӗ Ирина Трифонова шăпах çак кун редакцире савăнăçлă лару-тăрура пачӗ.
17 сентября 2026
Раççейре «Асаннепе кинона» акци пуçланать

Сентябрӗн 25‑мӗшӗнчен тытăнса октябрӗн 1‑мӗшӗччен Раççейре куракана «Я приду» премьери умӗнхи кăтартăва йыхравлаççӗ. Акцие Халăхсем хушшинчи Çулланисен кунне халалланă. Октябрӗн 1‑мӗшӗччен кинона билет туянсан, асанне‑асаттесене е кукамай‑кукаçисене (пенси удостоверенийӗ пулсан) тӳлевсӗр билет параççӗ.
17 сентября 2026
15-ри питбайкер каçару ыйтнă

Нумай пулмасть Хусанти «Светлая долина» пурăнмалли комплексри площадкăра электропитбайкпа ача коляски çине кӗрсе кайнă15-ри арçын ача каçару ыйтнине пӗлтерет tatarstan24.tv сайт.
17 сентября 2026
Хур-кайăк Тутарстанăн хăш районне ытларах кăмăллать?

Кунта йӗтем хурне (гуменник), сăрă тата шурçамкаллă хурсене, сăрă тăрнана, чăшкăравçă акăша (лебедь-шипун), чакак евӗрлӗ шыв чăххине (кулик-сорока), шурлăх тăманине (болотная сова) тата ытти вӗçен кайăка курма пулать.
16 сентября 2026
Чăваш Ен хăмлана Раççейре туса кăларнă техникăпа пухать

Комбайн кăна мар, чылай комплекс иккен вăл: хăмлана пухать, типӗтет, пусараса чӗркет те.
16 сентября 2026
Куçма Турханăн «Сӗве Атăла юхса кӗрет» романне белорусла куçараççӗ

Белоруссен паллă прозаикӗ Михась СЛИВА Куçма Турханăн «Сӗве Атăла юхса кӗрет» историлле романне белорусла куçарма тытăннă.
14 сентября 2026
Çӗпрел пахчаçин Илдус Валиулловăн винограчӗ Тутарстанра чи пылакки

Виноград ӳстерме юратакансемпе профессионалсен çак кунсенче Камское Устьере иртнӗ куравӗнче Тутарстан, Ульяновск облаçӗ, Мордови, Самара облаçӗн пахчаçисем чи лайăх виноград сорчӗсене кăтартнă.
12 сентября 2026
55 çул тăсăлакан истори

Лайăш районӗнчи Аслă Кабан ялӗнче пурăнакан çак çемье пирки çырмалли питӗ нумай. Хула çывăхӗнчи яла пурăнма куçнăранпа вырăнти халăха вăл картиш тулли выльăх-чӗрлӗхпе хур-кăвакал усраса, пушă кӗленче савăтран хăйсем ăсталанă теплицăпа, ăнса пулакан пахча çимӗçпе тата çутçанталăка, спорта юратнипе тӗлӗнтерет. Сăмах – Кольцовсем пирки. Вăхăтӗнче выльăх апачӗ, строительство материалӗсем тупасси пек ӗçсем ытларах çемье пуçӗ Альберт Миронович çине тиеннӗ пулсан, теплицăри асама тăваканни, кил вучахне нумай çул упраканни вара – Нина Павловна. Сентябрӗн 5-мӗшӗнче вăл хăйӗн 80 çулне паллă турӗ. Кăçал тата вӗсем пӗрлешнӗренпе те 55 çул çитет.
11 сентября 2026
Пирӗн ачасене йӗркене пăсма кам хистет?

Çырчаллинчи 16-ри çул çитмен ача Мускавран килнӗ пӗр çулалли тăванӗсемпе пӗрле нацизм свастикине хăй пурăнакан подъездăн, ытти çуртсен стенисем, кайран автобус чарăнăвӗ çине ӳкерсе çӳренӗ.
11 сентября 2026
Çăмăл укçа тӗрмене ярать

Çак кунсенче Ново-Савиново район сучӗ 38-ти Хусан арçынни енӗпе пуçарнă уголовнăй ӗçе пăхса тухнă.
11 сентября 2026
Виктория Храмова: «Эпӗ аслисен ырă тӗслӗхне мала хуратăп»

Чăвашла кино? Мӗн вăл? Ачасен, аслисен хушшинче хальччен вун-вун конкурс ирттернӗ суварçăсемшӗн хамăршăн та çӗнӗлӗх-ха ку. Апла пулсан та иккӗленместпӗр – интереслӗ пулать, мӗншӗн тесен пирӗн атьсем маттур та пултаруллă, интернет, информаци технологийӗсем, искусствăлла интеллект мӗн иккенне вӗсем пӗлсе ӳсеççӗ.
10 сентября 2026
«Теччӗ шевлисем» фестиваль иртрӗ

Йӗпе-сапа çанталăка пула Теччӗ районӗнче вырма тăсăлса кайнипе маларах сентябрӗн 12-мӗшне палăртнă йăлари «Чӳклеме» регионсен хушшинчи фестивале тепӗр çула хăварма тивнӗ.
09 сентября 2026
«Таса вăрмансем» акцин кӗркуннехи тапхăрӗ пуçланать

ТР Министрсен Кабинетӗнче ытларикун иртнӗ черетлӗ брифинга хальхинче вăрман темине, тӗрӗсрех каласан вӗсене упрассипе кăçал мӗн-мӗн тунине тата мӗнле акцисем иртессине халалланăччӗ. Тутарстанăн тӗп вăрманçи Равиль Кузюров хăйсен профессилле уявӗ умӗн журналистсене ведомствăн ӗçӗпе паллаштарчӗ.

❮ Назад Далее ❯