Алена Силпи пиллӗкмӗш хут анне пулнă

«Паян манăн пурнăçри чи хумхануллă саманта сирӗнпе пайлас килет – эпӗ пепке çуратрăм! Çак телее сăмахпа çырса кăтартма çук ... чи чăн-чăн тӗлӗнтермӗш пулса иртрӗ пирӗн килте. Халӗ эпӗ çак пӗчӗк, ăшă чӗрчун çине пăхатăп, ăна пӗчӗк аллинчен тытатăп та ăнланатăп — пурнăç пачах урăхла пулса тăчӗ. Халӗ кашни минут юратупа, пăшăрханупа, калама çук хӗпӗртӳпе тата вӗçӗмсӗр тавпа тулать.

Пытармастăп, йывăрччӗ. Хăрушă пулчӗ. Анчах чăн-чăн телейӗн хальхи туйăмӗ умӗнче çаксем пурте тӗксӗмленеççӗ. Малтанхи минутсенчех пирӗн чӗресем пӗр кӗвӗллӗн тапаççӗ, эпӗ ӗнтӗ пурнăçа, Ывăлăм, сансăp куç умне кăлараймастăп.

Çак çул çинче мана пулăшса пынисене пурне те тав – эсир юнашар, ку вара хаксăр! Умра-çывăрман каçсем нумай, çӗнӗ тăрăшулăх, хама çӗнӗ рольте шырани ... Анчах эпӗ пӗлетӗп, пӗтӗмпех пулать, мӗншӗн тесен халӗ эпир - СемьЯ, эпир 7-ччӗн!» – пӗлтернӗ юрăç.  

Каласа хăвармалла, пепке «кӗпепе» (плодный пузырь) çуралнă. Ваттисем каланă тăрăх, ун пеккисем телейлӗ пулаççӗ.

Саламлатпăр!

Алена Силпи харпăр архивӗнчи сăнӳкерчӗксем.