Çапӑçу ветеранӗсен хушшинче бильярд енӗпе пӗрремӗш турнир Анат Камӑра иртӗ

Июлӗн 1-мӗшӗнче Çапӑçу ветеранӗн кунне халалласа Анат Кама хулинче Елабугӑпа Анат Камӑри çапӑçу ветеранӗсен командисем хутшӑннипе бильярдпа пӗрремӗш турнир иртет. Турнира РФ  Патшалӑх Думин депутачӗ Айдар Метшин пуçарăвӗпе йӗркеленӗ. Пӗринче ун патне, Елабугӑра граждансене тӗрлӗ ыйтупа йышăннă чухне, Афганистанри çапӑçусен ветеранӗ пынӑ та бильярдпа ăмăрту ирттерме сӗннӗ. 

Пӗрремӗш турнира Анат Камӑпа Елабугӑран 8-шар çынран тăракан ветерансен икӗ команди хутшӑнӗ. Мероприятие ăмăрту пуçланас умӗн çапӑçу ветеранӗсен палӑкӗ умне чечексем хунипе пуçлама йышăннă.  Ăмăртусем паллă ӗнтӗ награда церемонийӗпе вӗçленӗç. Çӗнтерӳçӗсене кубокпа тата асӑнмалӑх парнесем парса чыслаççӗ.  

«Пирӗн хамӑрӑн ветерансене пулӑшмалла, вӗсене пӗр-пӗринпе  хутшӑнма тата канăва усăллă ирттерме майсем туса памалла. Ку турнир – çавăн пӗрремӗш утӑмӗ пулӗ. Анат Кама районӗнче эпир СВО ветеранӗсене тӗрев парассипе пуçарнă «Победа. Возвращение Героев домой» проектпа питӗ активлă ӗçлетпӗр. Пулас турнир çапӑçу ветеранӗсен тӑванлӑхне тата та вăйлăрах çирӗплетме пулӑшӗ», – тенӗ Айдар Метшин.  

Сăмах май, ятарлă çар операцине хутшăннисен социализацийӗпе адаптацине халалланă «Победа. Возвращение Героев домой»  проектăн кураторӗ шăпах Айдар Метшин хăй пулса тăрать те. 

Сăнӳкерчӗк: ИИ генерацийӗ.