Чăваш чӗлхи кунне Тутарстан чăвашӗсем анлăн паллă тăваççӗ

Апрелӗн 23-мӗшӗнче

× Анат Кама хулинчи «Мирас» Культура çуртӗнче Чăваш халăх артисчӗн, Тутарстан Республикин тава тивӗçлӗ артисчӗн Вячеслав Христофоровăн тата ытти чăваш эстрада юрăçисен концерчӗ иртнӗ.

× Пăва районӗнчи Тинкешре «Тăхăрьял шăпчăкӗ» конкурс иртрӗ.

Апрелӗн 24-мӗшӗнче

× Хусанти Туслăх Çуртӗнче Чăваш çамрăкӗсен лидерӗсен форумӗ (11.00 сехетре пуçланать) тата уяв концерчӗ (17.00 сехетре пуçланать) пулать.

× Республикăри чăваш шкулӗсенче 13.00 сехетре «Пӗтӗм чăваш диктанчӗ» акци иртет.

× Пасарлă Матакри Культура çуртӗнче каçхине 19.00 сехетре Чăваш чӗлхи кунне халалласа чăваш артисчӗсен концерчӗ пулать.

Апрелӗн 25-мӗшӗнче

× Ирхине 9.00 сехетре Çарăмсан районӗнчи Çӗнӗ Йӗлмел ялӗнче шкул ачисен хушшинче «Афанасьев вулавӗсем» иртеççӗ.

× 10.00 сехетре Теччӗ районӗнчи Кăнна Кушкинче Иван Яковлевич Яковлевăн палăкӗ тата вăл çуралнă çурт вырăнне чечек хурӗç.

× 12.00 сехетре Пăва хулинчи Ленин урамӗнчи 51 «а» çурт умӗнче Аслă Вӗрентекенӗмӗрӗн И. Я. Яковлевăн палăкне уçаççӗ.

× 12.00 сехетре Нурлатри Туслăх Çуртӗнче «Кӗмӗл сасă» ача-пăча фестиваль-конкурсӗ тата чăваш хореографи коллективӗсен хушшинче «Чăваш ташши» фестиваль-конкурс иртет.

× 16.00 сехетре Елабуга хулинчи А. С. Пушкин ячӗллӗ библиотекăра «Нарспи» ентешлӗхӗн тӗлпулăвӗ иртет.

Апрелӗн 26-мӗшӗнче

× 18.00 сехетре Çырчалли хулинчи «Родник» Туслăх Çуртӗнче «Ялан янра, чăваш сăмахӗ» сăвă калакансен конкурсӗ пулать.

× 19.00 сехетре Нурлат хулин Культура çуртӗнче Чăваш халăх артисчӗн, Тутарстан Республикин тава тивӗçлӗ артисчӗн Вячеслав Христофоровăн тата ытти чăваш эстрада юрăçисен концерчӗ иртет. 

Апрелӗн 27-мӗшӗнче 

× 17.00 сехетре Анат Кама хулинчи «Мирас» Культура çуртӗнче «Тамаша» халăх театрӗ «Пуçана-тăк, пуçана!» спектакль лартать.