Ют çыннăн банк карттипе усă курнăшăн Хусан арçыннине 100 пин тенкӗ штраф панă

Хусанта пурăнакан арçын кăçал январӗн 31-мӗшӗнче тротуар çинче банк карттине тупнă. Хуçине е банка тавăрса парас вырăнне лавккана кайса унпа 4 пин тенкӗлӗх тавар илнӗ. Ют çыннăн карттипе усă курнине банк, йӗрке хуралӗ тӳрех пӗлессе, куншăн уголовнăй явап тыттарасса шутламан вăл. Çак кунсенче суд ун енӗпе пуçарнă уголовнăй ӗçне пăхса тухнă май айăплине çирӗплетсе 100 пин тенкӗлӗх штраф тӳлеттерме приговор йышăннă, тесе пӗлтерет tatarstan24.tv сайт.