Кăштах кулăш

Каç. Яка Кулинепе упăшки сӗтел хушшинче лараççӗ. Упăшки арăмӗ çине тинкерсе, куç илмесӗр пăхать.
— Эсӗ мӗн ман çине куç илмесӗр пăхатăн? — ыйтать Кулине. 
— Такки санпа ӗмӗре ирттерме тивет вӗт ӗнтӗ...
— Мӗн-мӗн?
— Лайăхраххине тупаймăн, япăхраххи тӗнчере те çук…

* * *

Вӗçкӗн Ваççа тухтăр патне пынă тет:
— Çывăрнă чух питӗ хытă харлаттаратăп, — тет хайхи, тухтăра мӗн нушапа килнине пӗлтерсе. 
— Сире çакă кансӗрлет-и?
— Çук. 
— Арăмăра кансӗрлет-и эсир харлаттарни?
— Ман арăм çук.
— Кӳршӗрсене чăрмантарать-и?
— Кӳршӗсем те çук ман.
— Вара мӗн канăç памасть-ха сире?
— Мана харлаттарнăшăн пилӗк хутчен ӗçрен кăларса ячӗç ӗнтӗ…

* * *

— Салам, Ваççа. Арăму сан çӗнӗ машинуна аварие лексе çӗмӗрнӗ тенине илтрӗм. Тӗрӗс-и?
— Тӗрӗс.
— Хăйне ним те пулман-и?
— Хальлӗхе çук-ха, ваннăйне кӗрсе питӗрӗнсе ларма ӗлкӗрчӗ.