Хусана килекен туристсен шучӗ пандемичченхи кăтартусем патне çывхарать

Çакăн çинчен Хусан мэрийӗнчи Ӗçлӗ тунтикунра хулари Туризма аталантаракан комитетăн ертӳçи Дарья Санникова пӗлтернӗ. Вăл палăртнă тăрăх, туризм отраслӗнчи йывăрлăхсене пăхмасăрах, пандеми туристсене илӗртмелли альтернативлă çулсене шырама хистенӗ. Шалти маршрутсем пирӗн çӗршывăн çулçӳрев карттисенче лайăх çирӗпленнӗ. Санникова сăмахӗсемпе, туристсене йышăнассипе Хусан Мускавпа Питӗртен юлмасть. Уйрăмлăх кунта хăна çурчӗсен, номер фончӗсен шутӗнче кăна. Хусана килекенсем пуринчен те ытларах кунти Кремле кайса курасшăн.