Машинасене туртса илесси пирки калакан хыпар – суя

Украинецсен майлисем пирӗн хуласенчи урамсен ячӗсене тӗрӗс мар çыраççӗ, орфографи йăнăшӗсем пур, хыпарӗсем – пӗринчен пӗри тӗлӗнмеллерех. Калăпăр, Мускавра урамра иртсе пыракан арçынсене чарса повесткăсем пани пирки. Кунашкал ӗç-пуç Киевра пулнăран, вӗсем пирӗн те çапла лару-тăру тесе шутлаççӗ пулмалла. 
Мобилизаци вăхăтӗнче çынсен автомобилӗсене çар валли туртса илесси пирки калакан хыпар та суя. Ӗнер ТР çар комиссарӗ уйрăм мобилизаци çинчен указ кăларнă. Республикăра пурăнакансене уйрăмах Погодин указӗн пиллӗкмӗш пункчӗ кăсăклантаранă. Вăл патшалăх организацийӗн, бизнесăн, уйрăм çынсен транспорчӗн мобилизацийӗ пирки калать. Указа пичетленӗ хыççăн социаллă сетьсемпе мессенджерсенче пăлхану пуçланнă. Машинасене урамрах туртса илесси пирки калакан хыпар – суя информацисен шутӗнче. Закон тăрăх, автотранспортлă кашни предприяти малтан Оборона министерствинчен предписани килмелле. Унта Хӗçпăшаллă çарсене кирлӗ пулсан мӗнле автомобильсене мӗн валли илме пултарнине çыраççӗ. Çав кăна. 
Владимир Васильев сăнӳкерчӗкӗ.