«Наше время – Безнең заман» фестивале хутшăнма заявка илес кампани сентябрӗн 27-мӗшӗччен тăсăлать

Кăçал мероприяти октябрӗн 4-мӗшӗнче пуçланса ноябрӗн 10-мӗшӗччен иртет. 

Фестивале Тутарстанри учрежденисен, предприятисемпе организацисен 18 çултан тытăнса 38 çулти ӗçлекенӗсем хутшăнма пултараççӗ.Кашнин çирӗплетнӗ ӗç стажӗ (тӑхӑр уйӑхран кая мар) пулмалла. Артист конкурса хӑй тӗллӗн е командăпа та хутшăнма пултарать.

Кашни зонӑра пӗрремӗш кун жюри предприятисемпе организацисен командисен пултарулӑх номерӗсемпе паллашӗç. Иккӗмӗш кун жюри членӗсем «Минута славы» номинацире тупӑшакансене пӑхса тухӗç. Çавӑн пекех çавра сӗтелсем, консультацисем тата мастер-классем те ирттерме палăртнă.

Зонӑри тапхӑр çӗнтерӳçисем Хусанта пулакан финала иртеççӗ. Пӗтӗм зонӑри тапхӑрсем гала-концертсемпе вӗçленеççӗ. Концерт вăхăтӗнче тӗрлӗ номинацисенче призерсене чыслӗç тата пӗтӗмӗшле команда зачетне пӗтӗмлетӗç.

«Наше время – Безнең заман» телефестивалӗн суперфиналне ноябрӗн 7-8-мӗшӗсенче Хусанта ирттерме палӑртнӑ, çӗнтерӳçӗсене ноябрь уйӑхӗн 10-мӗшӗнче «Пирамидăра» чыслӗç. Гран-при илекен командӑна Тутарстан Республикин Раисӗн Кубокне тата укçан преми параççӗ.

Телефестиваль пулнăран конкурсăн пӗтӗм концерчӗсене «Татарстан – Новый век» телеканалпа кăтартӗç. 

Ӗçлекен çамрӑксен «Наше время – Безнең заман» фестиваль ТР Раисӗ Рустам Минниханов пулӑшнипе тата ЮНЕСКО эгидипе иртет. Вӑл коммерци тӗллевӗсӗр патшалӑхӑн социаллӑ пӗлтерӗшлӗ проекчӗ шутланать. Фестивалӗн миссийӗ – кадрсен çӗнӗ ӑрӑвне йӗркелесси, рабочисемпе инженери профессийӗсене популяризацилесси, республикӑри предприятисемпе организацисенче ӗçлекен çамрӑксен пултарулӑхне уçса парасси.

Сăнӳкерчӗк «Татар-информ» ИА.