Сивӗтсен шкул расписанине улшӑнусем кӗртме пултараҫҫӗ

Сивӗтсен куҫӑн занятисене ирттерме чарма йышӑнӑва  кашни шкул ҫанталӑк условийӗсене шута илсе хӑй тӗллӗн тӑвать. Ашшӗ-амӑшӗ те ачана сивӗре шкула ямаллипе ямалла маррине  хӑй  палӑртать, кун пирки класс ертӳҫине пӗлтерме манмалла мар.

Миҫе градус сивӗре хăш классем шкула каймалла мар:

• Сывлăш температури -23 градус пулсан, ял шкулӗсенчи пуҫламăш классем вӗренмеҫҫӗ;
• -25 градуса ҫитсен – хула шкулӗсенчи пуҫламăш классем, ял шкулӗсенчи 5–9 классем;
•  -27 градусра хула шкулӗсенчи 5–9 классем;
• -30 градусра ял шкулӗсенчи 10-11 классем;
• -32 градусра хула шкулӗсенчи 10-11 классем. 

Сывлӑш температури -3 градусран ытла мар сивӗ пулсан, ҫил ҫеккунтра 6–10 метртан сахалрах хăвăртлăхпа вӗрсен кӗçӗн классемпе урамра физкультура урокне ирттерме юрать; аслӑ классемпе -10 градусран ытла мар пулмалла.