Тутарстан экономикинче строительство отраслӗ чи пӗлтерӗшлисенчен пӗри

«Çӗр çул хушшинче республикăра пысăк хуласем ӳссе ларчӗç: Çырчалли, Анат Кама, Элмет тата ИТ-хула Иннополис. Эпир пирӗн архитекторсен, строительсен, хăйсен ӗçӗсен маçтăрӗсен çитӗнӗвӗсемпе чăннипе мăнаçланатпăр!» –чӗнсе каланă Рустам Минниханов мероприятине хутшăнакансене. Тутарстан Президенчӗ палăртнă тăрăх, республикăн хăйне евӗр сăн-сăпачӗ туризма аталантарма пулăшать. 
«Архитектура стилӗсем улшăнчӗç, çӗнӗ стройматериалсемпе технологисем ӗçе кӗрсе пычӗç, анчах та строительсен миссийӗ упранса юлчӗ. «Пурнăçа лайăхрах тăвар!» – çак лозунг паянхи кун та Тутарстан аталанăвӗн тӗллевӗпе тӳр килет», – тенӗ ТР Президенчӗ.    
Строительство отраслӗ – республика экономикинче тӗп отрасль шутланать. Хута янă çурт-йӗрӗн лаптăкӗ Тутарстан Республикин историйӗнче пӗрремӗш хут 3 млн тваткал метра çитнӗ. 
2021 çулта пурнăçланă мерпориятисемпе патшалăх программисене 97 млрд тенкӗлӗх пурнăçланă, ку вăл 4,6 пин ытла тăвăннă тата юсаннă объект.