Тутарстанри вӗренекенсене Стандартизаципе çамрăксен олимпиадине хутшăнма чӗнеççӗ
Раççей Федерацийӗн команди шкул ачисем хушшинчи стандартизаципе çамрăксен олимпиадине иккӗмӗш хут хутшăнать. Ăна Стандартизаципе халăхсем хушшинчи организацин (ИСО) тата Халăхсем хушшинчи электротехника комиссийӗн (МЭК) тӗревӗпе ирттереççӗ.
Шкул ачисенче наукăпа тӗпчев ӗçӗпе кăсăклантарасси – олимпиадăн тӗп тӗллевӗсенчен пӗри. Олимпиада стандартизаци облаçӗнчи теори пӗлӗвӗсене тӗрӗсленисӗр пуçне, шкул ачисен пултарулăхне, пӗлӗвне пӗрлештерсе стандартизацин тӗлӗнмелле тӗнчине тӗпчеме май парать. Вӗренекенсен командăпа ӗçлеме пултарнипе акăлчан чӗлхине пӗлнине те тӗрӗслӗç.
Кăçал «Метрологический образовательный кластер» проект тăрăх, олимпиадăн суйлав турне мартăн 1-мӗшӗччен ирттереççӗ. Раççей суйлав тапхăрӗн финалӗ апрелӗн 26-мӗшӗнче пулать.
Олимпиадăра 13-18 çулти кирек хăш çын та пултарать. Çакна валли анкетăна тултармалла тата «Стандартсем мӗн валли кирлӗ?» темăпа эссе çырса вӗсене OLYMP@RST.GOV.RU адреспа ярса памалла.
Тӗплӗнрех информацие https://gost.olymp.bashtest.ru/ сайтра вуласа пӗлме пулать.
ФБУ «ЦСМ Татарстан» пресс-служби.
Следите за самым важным и интересным в Telegram-каналеТатмедиа
Нет комментариев