Волонтерсен 2022 çулта «Ырă Тутарстан» республика премине илме вăхăт çитнӗ

Премине пуçарса яраканӗсем – ТР Çамрăксен ӗçӗсен министерстви тата Тутарстан Республикинчи Добровольчествон информаципе ресурс центрӗ.  Конкурсра 6 çултан аслăрах кирек хăш волонтер та хутшăнма пултарать, е добровольчество организацийӗ, е бизнес представителӗ. Пурӗ 18 номинаци тăратнă: 5-шӗ коллективлă, 13-шӗ уйрăм çынсене парăнаканнисем.

«Ырă Тутарстан» пилӗк тапхăрпа иртӗ. Заявкăсем йышăнас кампани сентябрӗн 25-мӗшӗччен пырӗ, куçăн мар тапхăр октябрӗн 3-14-мӗшӗсенче иртӗ. «Ырă ӗçсен марафонӗ» - октябрӗн 17-21-мӗшӗсенче. Очнăй тапхăр октябрӗн 22-мӗшӗнче пуçланса ноябрӗн 11-мӗшӗччен тăсăлӗ. Вăл пынă вăхăтра хутшăнакансем хăйсен ӗçӗ-хӗлне жюри умӗнче презентацилӗç. Пӗтӗмлетӳсене ноябрьте тăваççӗ. Кашни номинацири çӗнтерекенсемпе преми лауреачӗсене дипломсемпе хаклă парнесемпе чыслӗç.