В.Путин çӗнӗ ракетоносеца Минтимер Шаймиев ятне пама сӗннӗ
РФ Президенчӗ Владимир Путин кун çинчен паян С. П. Горбунов ячӗллӗ авиаци заводне килсен сӗннӗ. «Эпир Тутарстанра. Айтăр-ха çӗнӗ ракетоносеца Минтимер Шаймиев ятне паратпăр», — тенӗ вăл хăй ларса курнă çӗнӗ ракетоносецăн ячӗ çуккине пӗлсен. ТР Раисӗ Р.Минниханов сӗнӗве хапăлласах йышăннă май М.Шаймиев ку чыса чăнах та тивӗçлине палăртнă.
РФ Президенчӗ Владимир Путин паян кăнтăрла Хусана ӗçлӗ визитпа килчӗ. «Игры Будущего» мультиспорт турнирне уçнин церемонине хутшăннисӗр пуçне темиçе çӗршывăн ертӳçипе тӗлпулусем ирттерет.
РФ Правительствин Председателӗпе, РФ промышленноçпа суту-илӳ министрӗпе Денис Мантуровпа, РФ Оборона министрӗпе Сергей Шойгупа, ТР Раисӗпе Рустам Миннихановпа, РФ Президенчӗн Федерацин Атăлçи тăрăхӗнчи полномочиллӗ представителӗпе Игорь Комаровпа, «Ростех» генеральнăй директорӗпе Сергей Чемезовпа тата «Авиацин пӗрлешӳллӗ корпорацийӗн» генеральнăй директорӗпе Юрий Слюсарьпе пӗрле С.П. Горбунов ячӗллӗ авиаци заводне çитсе Ту-22МЗМ, Ту-160М (М2) бомбардировщик-ракетоносецсем тата Ту-214 пассажир лайнерӗсене мӗнле кăларнипе паллашрӗ те ӗнтӗ. (Сăнӳкерчӗк rais.tatarstan.ru сайтран).
Следите за самым важным и интересным в Telegram-каналеТатмедиа
Нет комментариев