Халăх календарĕ

• Юпа уйăхӗн 16-мӗшӗ – Денис. Хӗл çывхарни уççăн сисӗнет. Çулçăсем васкаса тăкăнаççӗ, пӗрремӗш юрсем çăваççӗ, шăнтать. 

• Юпа уйăхӗн 17-мӗшӗ – Ерофей. Пакшасем тӗсне улăштарнă-тăк – хӗл сивӗ пуласса. Телеграф пралукӗсем яланхинчен хытăрах кӗрлеççӗ – çанталăк пăсăласса. 

• Юпа уйăхӗн 18-мӗшӗ – Харитина. Çумăрсăр çанталăкра кăвайт тӗтӗмӗ çӗр çийӗн сарăлать-тӗк – çумăра. Уяр çанталăкра чарлансем ушкăн-ушкăн хытă шавласа вӗçеççӗ пулсан та кӗçех çумăр çăвасса пӗлтерет. 

• Юпа уйăхӗн 19-мӗшӗ – Денис, Фома. Пӗрремӗш юр хӗл лариччен 40 кун маларах çăвать теççӗ. 

• Юпа уйăхӗн 20-мӗшӗ – Сергий. «Сергий кунӗнчен пуçланать, Матрена кунӗнчен хӗл ларать», – теççӗ. Кăнтăрла çунă юр час ирӗлет, çӗрле çуни нумайччен выртать. 

• Юпа уйăхӗн 21-мӗшӗ – Пелагея тата Трифон. «Трифон кӗрӗк саплать, Пăлаки алсиш çыхать», – теççӗ халăхра, хӗл çывхарнăран ăшă тум хатӗрлеме вăхăт çитнине шута илсе. 

• Юпа уйăхӗн 22-мӗшӗ – Яков. Сивӗсем çирӗпленсех пыраççӗ. Тилӗ нумай вӗрет-тӗк, çанталăк улшăнасса. Каюра сивӗ çанталăкрах шăтăкӗнчен тăпра кăларса пăрахать пулсан – ăшăтасса.

Сăнӳкерчӗк «Татар-информ» ИА.