Çу уйăхӗн 22-мӗшӗ – Çурхи Микула. Микула кунӗнче çумăр çуни аван паллă. Шапасем кваклатма пуçланă-тăк – сӗлӗ ăнса пулать. Ирхи сывлăмпа пит çусан çулталăкӗпех сывлăхлă пурăнатăн теççӗ.
◊ Çу уйăхӗн 23-мӗшӗ – Симон. Ку кун çумăр çуни вара çулла йӗпе-сапаллă çанталăк пуласса пӗлтерет.
◊ Çу уйăхӗн 24-мӗшӗ – Мокий. Ку кунхи çумăр та çу тăршшӗпех çумăр çăвасса пӗлтерет-мӗн. Хӗвел хӗрелсе тухсан – аслатиллӗ çумăрсем нумай пуласса.
◊ Çу уйăхӗн 25-мӗшӗ – Епифан. Кăкшăм курăкӗ чечеке ларнă-тăк – сивӗ кунсем хыçра эппин.
◊ Çу уйăхӗн 26-мӗшӗ – Лукерья. Çак кун тӗлне вăрăмтунасем нумай-тăк, çулла çырла пухма ытларах карçинкка хатӗрле.
◊ Çу уйăхӗн 27-мӗшӗ – Сидор. Çак кун сивӗ пулсан – çулла та сивӗ пулать.
◊ Çу уйăхӗн 28-мӗшӗ – Пахом. Эрешмен карти нумай вӗçет-тӗк – çулла шăрăх пулать. Çак кун акнă-лартнă вăрлăх шăтмасть-мӗн.
Нет комментариев