News by category - Çӗнӗ хыпарсем
-
Патшалăх (муниципалитет) служащийӗсемпе депутатсен те тӳшекке кура урана тăсмалла
Патшалăх (муниципаллă) служащийӗсемпе депутатсем 2026 çулхи январӗн 1-мӗшӗнчен çулталăкра мӗн чухлӗ тупăш илнине деклараци тăратмалла мар, тăкака вара кăтартмаллах. Енчен те туяннă куçман пурлăхăн хакӗ мăшăрӗпе иккӗшӗн юлашки виçӗ çулти пӗтӗмӗшле тупăшӗнчен иртсе каять-тӗк, укçана ăçтан илнине ăнлантарма тиветех вӗсен.
-
Пӗкӗлме районӗнче тăван чӗлхесене аталантарассине халалласа наукăпа практика конференцийӗ иртнӗ
Хальхи вăхăтра Пӗкӗлме районӗнче 43 ача садӗнчен 8-шӗ йăлтах тутарла калаçтарса воспитани параççӗ, 33-шӗнче тутар ушкăнӗсем пур. Районти пӗр садикре чăвашла вӗрентсе воспитани параççӗ шăпăрлансене. Районти садике çӳрекен ачасенчен 86 проценчӗн тăван тутар чӗлхине вӗренме пӗтӗм майсем пур. «Шкулсенче те çакăн пек ӳкерчӗкех. Пӗтӗмӗшле пӗлӳ паракан 39 шкултан 5-шӗнче йăлтах тутарла вӗрентеççӗ, пӗринче – чăвашла. Ачасенчен 66 проценчӗ тутар чӗлхине вӗренет. Вырсарни шкулӗсем те ӗçлеççӗ», – тенӗ Пӗкӗлме районӗн пуçлăхӗ Дамир Фаттахов.
-
Çӗнӗ çул пуçланнăранпа аварисенче 26 çын вилнӗ
Иккӗмӗш çул Тутарстанра çул çинче аварисене пула вилекенсен шучӗ ӳснине çул-йӗр хăрушсăрлăхӗн комиссийӗн ларăвӗнче республика премьер-министрӗн çумӗ Шамиль Гафаров пӗлтернӗ.
-
Азат Гайнутдиновăн ырă ӗçне халалланă «Приют человека – Путеводная нить» курав уçăлать
ТР Патшалăх ӳнер искусствисен музейӗн хальхи вăхăтри искусство галерейинче (ГМИИ)пысăк социо-культура проекчӗ ӗçлеме пуçлать. Азат Гайнутдинов сакăр çул каялла йӗркеленӗ ыркăмăллăх центрне (ун пекки Раççейре те сайра) халалланă ăна.
-
Паллă çын çинчен ӳкернӗ фильм
Çак эрнере Тутарстанпа Узбекистан кинематографӗсем пысăк картина ӳкерсе пӗтерчӗç
-
Газ оборудованийӗсемпе усă курмалли правилăсене пăхăнмасан вутăпа хутса ăшăнма тивет
Март уйăхӗн 1-мӗшӗнчен Газ оборудованийӗсемпе усă курмалли 410 № правилăна улшăнусем кӗреççӗ. Унпа килӗшӳллӗн малашне газ кӗнӗ çуртсене (хваттерсене) çулталăкра пӗрре газ службин ӗçченӗсем килсе газ мăрйи, вентиляци каналӗ туртнипе туртманнине кăна мар, пӳлӗмсенче сывлăш мӗнле çӳренине те приборпах тӗрӗслеççӗ.
-
Çӗнӗ вӗренӳ çулӗпе пӗрле Алина Загитован шкулӗ уçăлӗ
Центр пăр арениллӗ, хореографи, физкультура залӗсемлӗ тренировка комплексӗ пулӗ. Унсăр пуçне конькипе ярăнма юратакансем валли каток тата кафе те.
-
Пенза облаçӗн кӗпӗрнаттăрӗ Рустам Минниханова тав тунă
Пенза облаçӗн кӗпӗрнаттăрӗ Олег Мельниченко ТР Раисне Рустам Минниханова Пенза хӗвелçаврăнăшне пысăк хак панăшăн тав тунă.
-
Ульяновскри «Канаш» хаçатăн тӗп редакторне Елена Мустаевана юбилейпе саламлатпăр!
Паян чăваш тӗнчинчи паллă журналист, талантлă çыравçă, Ульяновск облаçӗн, Раççей Журналистсен союзӗсен пайташӗ, Ульяновск облаçӗнчи чăвашсен «Канаш» хаçачӗн тӗп редакторӗ Елена Николаевна Мустаева 60 çул тултарать.
-
Лейла Фазлеева юрăхсăра тухнă культура еткерлӗхӗн объекчӗсене тăтăш тӗрӗслесе тăмаллине асăрхаттарчӗ
2025 çулта Тутарстанра культура эткерлӗхне упраса хӑварма хывнă инвестицисен калӑпӑшӗ 5,6 млрд тенкӗпе танлашнӑ. Кун пирки ТР Культура еткерлӗхӗн объекчӗсене сыхлассипе комитет председателӗ Иван Гущин ведомствăн январӗн 24-мӗшӗнче ТР Наци библиотекинче иртнӗ пӗтӗмлетӳ коллегийӗнче пӗлтернӗ.
-
Наци стилӗпе туй ирттерме 80 çемье грант илнӗ
Тутарстанра 2025 çулта 80 çамрăк çемьене наци йăли-йӗркипе туй ирттерме грант панă. Кун пирки ТР çамрăксен ӗçӗсен министрӗ Азат Кадыров «Татар-информа» пӗлтернӗ.
-
Кивӗ Ӳсел шкулӗнче чăваш чӗлхине вӗрентекенсем пуçтарăнчӗç
Январӗн 21-мӗшӗнче Кивӗ Ӳсел вăтам шкулӗнче Аксу районӗнчи шкулсенче чăваш чӗлхипе литературине вӗрентекенсен семинар-практикумӗ иртрӗ. Унăн теми – «Тăван чӗлхене вӗрентессинче фольклорпа усă курни: майсем тата пуласлăх».
-
Снарядсемпе, плакатсемпе тăшмана хăваланă
1944 çулхи январӗн 27-мӗшӗнче Ленинграда 1941 çулхи сентябрӗн 8-мӗшӗнчен пынă фашистсен блокадинчен хӑтарнă
-
Çамрăксене пулăшас ӗçе малалла та тăсӗç
«Молодёжь и дети» наци проектне пурнăçа кӗртес ӗçре Тутарстан малти регионсен шутне кӗнине ТР çамрăксен ӗçӗсен министрӗ Азат Кадыров ведомствăн пӗтӗмлетӳ коллегийӗнче пӗлтернӗ. Регион наци проекчӗн 3 федераллă проектне хутшăнать, пур çӗрте те лайăх кăтартусемпе палăрать.
-
Хусан арçынни хӗрарăмсенчен 50 миллион тенкӗ илнӗ
«Юрату карьерин» 4 уйăхӗнче кăна 24 хӗрарăмăн пуçне çавăрса вӗсен 50 миллион тенкине улталаса илнӗ иккен вăл. Вăрламан, хӗрарăмӗсем хăйсем панă.
