News by category - Тӗп хыпар
-
Çурт-йӗр конкурсне хутшăнма çамрăксенчен заявкăсем йышăнаççӗ
Тутарстанра çамрăксен политикин лидерӗсен хушшинчи социаллă ипотека программипе çурт-йӗр илме конкурса хутшăнма заявкăсем йышăнма пуçланă. Проекта регионти çамрăксен политикине пурнăçа кӗртме хастар хутшăнакансене, студентсене, специалистсене пулăшма тӗрев парас тесе хута янă. 2012 çултанпа ТР Раисӗ Рустам Минниханов пуçарнă программăпа çӗр-çӗр çамрăк пурăнмалли условисене лайăхлатнă. Кун пирки «Татар-информ» агентствăра иртнӗ пресс-конференцире ТР çамрăксен ӗçӗсен министрӗ Ринат Садыков каласа пачӗ.
-
Газовика савăнса кӗтсе илмелле
Газпа хăрушсăрлăх техникине пăхăнмасăр усă курнипе çуллен нумай çын шар курать. Шел, вилекенсем те пур. Кăçалхи 7 уйăхра кăна республикăра тӗрлӗ инкексен 213 пулăмне шута илнӗ. Çав шутран сӗрӗм тивнипе 28 çын аптранă, вӗсенчен 8-шне çăлса хăварайман. Газ сирпӗннипе 59 пушар тухнă, вӗсенче 30 çын пурнăçӗ татăлнă. Ытти пулăмсем газ пăрăхӗсем йӗркерен тухнипе (19 тӗслӗх), шăршă тухнипе (79), газ пăрăхӗсем шыв айне пулнипе (28) çыхăннă.
-
Кӗçех «Итиль», курма кил
Августӑн 9-мӗшӗнче Хусанти Горький ячӗллӗ Культурăпа кану паркӗнче «Итиль» Атăлçи халăхӗсен çӗнӗ этника культурин фестивалӗ 5-мӗш хут иртет.
-
Мӗнрен пуçланать Тăван çӗршыв?
Ман шутпа вăл шăпах Владимир Аркадьевич Зинкин пек çынсенчен пуçланать
-
Шулӗксем çӗнӗ схемăпа улталаççӗ – асăрханăр!
Шулӗксем çынсене улталас тесе мӗн кăна шутласа кăлармаççӗ. Халӗ вӗсем пӗр-пӗр çын патне шăнкăравласан хăйсене Раççей Почтин е заказсене паракан пункт ӗçченӗ тесе ӗнентересшӗн иккен. ТР ШӖМӗн пресс-служби пӗлтернӗ тăрăх, аферистсем çынсем патне шăнкăравлаççӗ те çыхăну уйрăмне вӗсен ячӗпе посылка килнине пӗлтереççӗ, ăна килех çитерсе пама сӗнеççӗ. Анчах та малтан смс-сообщенипе килекен кода каламалла-мӗн.
-
Хусанта СВОна хутшăннисен хушшинче иртнӗ Абилимпикс чемпионатăн финалне Тутарстанран 16 тухнă
Раççей Президенчӗ хăй сăмахӗнче Абилимпикс проект СВО участникӗсен таланчӗсене палăртма, профессире ӳсӗм тума, çӗнӗ компетенцие алла илме пулăшнине тата вӗсен çитӗнӗвӗсем фронтри юлташӗсене те хавхалантарнине каланă. Чемпионат ятарлă çар операцийӗнче пулнисене, унтан аманса, сусăрланса таврăннисене социализацилеме пулăшать. Çапла майпа вӗсем патшалăх, общество тӗревне, хăйсен кирлӗлӗхне туяççӗ.
-
Çӗнӗшуçăмсем ял пурнăçне модăна кӗртеççӗ
Чăваш Шупашкар фермерӗсем патӗнче «Ял колхоз мар: яла мӗнле моднăй тумалла» паблик-тока хутшăннисем пулса курнă. Çак ятпа иртнӗ июлӗн 25-мӗшӗнче Çӗнӗ Шуçăм районӗнчи «Çемье» паркӗнче çӗнӗ форматлă мероприяти. Пуçаруçисем тата йӗркелекенсем – район ертӳлӗхӗ. Ăна ял хуçалăх сферинчи предпринимательство тренчӗсем, ял пурнăçне илӗртӳллӗрех те лайăхрах тăвас тӗллевпе ирттерме шутланă. Паблик-тока предприниматель-фермерсем, ӗç тăвакан влаçпа профильлӗ ассоциацисен, вӗрентӳ, бизнес, МХХ представителӗсем, Тутарстанăн паллă блогерӗсем, ял активисчӗсем хутшăннă.
-
Кăтартусем лайăхланнă
Тутарстанра ППЭ вăтам балӗсем пӗтӗм Раççейри кăтартусемпе танлаштарсан пысăктарах пулни пирки ТР Правительство Çуртӗнче иртнӗ брифингра ТР вӗрентӳпе наука министрӗ Ильсур Хадиуллин каласа пачӗ. Министр «тăван чӗлхе» тата «тăван литература» ăнлавсем сыхланса юлнине, вӗсем çухаласран пăшăрханма кирлӗ маррине те пӗлтерчӗ. Хальхи вăхăтра вӗренӳ планне тăван чӗлхе валли миçе сехет уйăрнине РФ Çутӗç министерствипе сӳтсе яваççӗ.
-
Салтаксем нурлатсен пулăшăвне кӗтеççӗ
Нурлат – ятарлă çар операцийӗ пуçлансан салтаксене гуманитари пулăшăвӗ леçме тытăннă чи пирвайхи районсенчен пӗри республикăра. Паян кунта волонтерсен ушкăнӗ темиçе те. Вӗсенчен пӗринпе, Тутарстанри Афган, ытти вăрçă ветеранӗсемпе инваличӗсен обществăлла организацийӗн Нурлат районӗнчи уйрăмӗ çумӗнче йӗркеленнӗ «Все для Победы Нурлат» фондпа эпир республика Уявӗнче паллашрăмăр. Волонтерсем ун чух 17-мӗш гуманитари пулăшăвне леçсе таврăннă кăначчӗ-ха, хальхинче Белгородпа Курск облаçӗсенчи 16 çар подразделенине çитсе килнӗччӗ вӗсем.
-
Федор Конюховӑн ҫулçӳрев штабӗ Хусанта пулӗ
Паян «Татар-информ» информаци агентствинче тӗнчипе паллă çулçӳревçӗ Фёдор Конюхов пулчӗ
-
Суйлава 3,4 пин ытла кандидат регистрациленнӗ
Тутарстанра муниципаллă депутатсен суйлавне хутшăнма 3437 кандидат регистрациленнӗ. Регионта 7531 çын депутат мандатне илме пултарать. Кун пирки Республикăри Тӗп суйлав комиссийӗн председателӗ Андрей Кондратьев Хусанти «Точка выбора» информаци центрӗнче иртнӗ брифингра пӗлтернӗ.
-
Çемье юнашар пулсан пӗр-пӗрне пулăшма çăмăл
Теччӗ районӗнчи Чăваш наципе культура автономийӗн ертӳçин Володар Аркадьевич Тимофеевăн çемйишӗн июлӗн 12-мӗшӗ паллă кун. Зоя Ильиничнăпа вӗсен кăçал ылтăн туй! Юбилярсене район Çемье, юрату тата шанчăклăх кунӗнче, июлӗн 8-мӗшӗнче, администрацие чӗнсех саламланă.
-
Награда командир патне çитрӗ
Çӗпрел районӗн Ӗçтăвкомӗн ларусен залӗнче паян районăн хăюллă ывăлӗсене патшалăх наградисемпе чысларӗç. Церемоние район администарци пуçлăхӗ Марат Гафаров, Пăва тата Çӗпрел районӗсен çар комиссарӗ Радик Тухфатуллин, ятарлă çар операцине хутшăннисем, пуç хунисен тăванӗсем, районти çар ветеранӗсемпе юнармеецсем хутшăнчӗç.
-
Тухтăрсем шăрăх çанталăка ăнăçлă чăтса ирттерме пулăшакан сӗнӳсем параççӗ
Мӗн çинчен манмалла мар-ха шăрăхра? Çулланнă çынсен, шала кайнă чирпе аптракансен врач хушнă эмелсене палăртнă пек ӗçсех тăмалла. Хӗвел хытă хӗртнӗ вăхăтсенче – 11-тен пуçласа 17.00 сехетчен – пит кирлӗ пулмасан урама тухмалла мар. Тухма лекрӗ-тӗк – ирӗклӗ, сывлакан материалтан çӗленӗ тум, пуçа шлепке тавраш тăхăнмалла, пӗрле ӗçмешкӗн таса шыв илмелле. Урамра çӳресен-çӳресен кондиционер пур çӗре кӗрсе сывлăш çавăрса ямалла.
-
Тутарстанра туй тума 100 пин тенкӗ илме пулать
Ку эрне Тутарстанра Ҫемье эрни пек иртет. Кашни хулапа Районта тӗрлӗ мероприятисем иртеҫҫӗ. Юбиляр-мӑшӑрсене чысланинчен пуҫласа нумай ачаллисене мини-автобуссем парасси таран.