News by category - Тӗп хыпар
-
Çӗнӗшуçăмсем ял пурнăçне модăна кӗртеççӗ
Чăваш Шупашкар фермерӗсем патӗнче «Ял колхоз мар: яла мӗнле моднăй тумалла» паблик-тока хутшăннисем пулса курнă. Çак ятпа иртнӗ июлӗн 25-мӗшӗнче Çӗнӗ Шуçăм районӗнчи «Çемье» паркӗнче çӗнӗ форматлă мероприяти. Пуçаруçисем тата йӗркелекенсем – район ертӳлӗхӗ. Ăна ял хуçалăх сферинчи предпринимательство тренчӗсем, ял пурнăçне илӗртӳллӗрех те лайăхрах тăвас тӗллевпе ирттерме шутланă. Паблик-тока предприниматель-фермерсем, ӗç тăвакан влаçпа профильлӗ ассоциацисен, вӗрентӳ, бизнес, МХХ представителӗсем, Тутарстанăн паллă блогерӗсем, ял активисчӗсем хутшăннă.
-
Кăтартусем лайăхланнă
Тутарстанра ППЭ вăтам балӗсем пӗтӗм Раççейри кăтартусемпе танлаштарсан пысăктарах пулни пирки ТР Правительство Çуртӗнче иртнӗ брифингра ТР вӗрентӳпе наука министрӗ Ильсур Хадиуллин каласа пачӗ. Министр «тăван чӗлхе» тата «тăван литература» ăнлавсем сыхланса юлнине, вӗсем çухаласран пăшăрханма кирлӗ маррине те пӗлтерчӗ. Хальхи вăхăтра вӗренӳ планне тăван чӗлхе валли миçе сехет уйăрнине РФ Çутӗç министерствипе сӳтсе яваççӗ.
-
Салтаксем нурлатсен пулăшăвне кӗтеççӗ
Нурлат – ятарлă çар операцийӗ пуçлансан салтаксене гуманитари пулăшăвӗ леçме тытăннă чи пирвайхи районсенчен пӗри республикăра. Паян кунта волонтерсен ушкăнӗ темиçе те. Вӗсенчен пӗринпе, Тутарстанри Афган, ытти вăрçă ветеранӗсемпе инваличӗсен обществăлла организацийӗн Нурлат районӗнчи уйрăмӗ çумӗнче йӗркеленнӗ «Все для Победы Нурлат» фондпа эпир республика Уявӗнче паллашрăмăр. Волонтерсем ун чух 17-мӗш гуманитари пулăшăвне леçсе таврăннă кăначчӗ-ха, хальхинче Белгородпа Курск облаçӗсенчи 16 çар подразделенине çитсе килнӗччӗ вӗсем.
-
Федор Конюховӑн ҫулçӳрев штабӗ Хусанта пулӗ
Паян «Татар-информ» информаци агентствинче тӗнчипе паллă çулçӳревçӗ Фёдор Конюхов пулчӗ
-
Суйлава 3,4 пин ытла кандидат регистрациленнӗ
Тутарстанра муниципаллă депутатсен суйлавне хутшăнма 3437 кандидат регистрациленнӗ. Регионта 7531 çын депутат мандатне илме пултарать. Кун пирки Республикăри Тӗп суйлав комиссийӗн председателӗ Андрей Кондратьев Хусанти «Точка выбора» информаци центрӗнче иртнӗ брифингра пӗлтернӗ.
-
Çемье юнашар пулсан пӗр-пӗрне пулăшма çăмăл
Теччӗ районӗнчи Чăваш наципе культура автономийӗн ертӳçин Володар Аркадьевич Тимофеевăн çемйишӗн июлӗн 12-мӗшӗ паллă кун. Зоя Ильиничнăпа вӗсен кăçал ылтăн туй! Юбилярсене район Çемье, юрату тата шанчăклăх кунӗнче, июлӗн 8-мӗшӗнче, администрацие чӗнсех саламланă.
-
Награда командир патне çитрӗ
Çӗпрел районӗн Ӗçтăвкомӗн ларусен залӗнче паян районăн хăюллă ывăлӗсене патшалăх наградисемпе чысларӗç. Церемоние район администарци пуçлăхӗ Марат Гафаров, Пăва тата Çӗпрел районӗсен çар комиссарӗ Радик Тухфатуллин, ятарлă çар операцине хутшăннисем, пуç хунисен тăванӗсем, районти çар ветеранӗсемпе юнармеецсем хутшăнчӗç.
-
Тухтăрсем шăрăх çанталăка ăнăçлă чăтса ирттерме пулăшакан сӗнӳсем параççӗ
Мӗн çинчен манмалла мар-ха шăрăхра? Çулланнă çынсен, шала кайнă чирпе аптракансен врач хушнă эмелсене палăртнă пек ӗçсех тăмалла. Хӗвел хытă хӗртнӗ вăхăтсенче – 11-тен пуçласа 17.00 сехетчен – пит кирлӗ пулмасан урама тухмалла мар. Тухма лекрӗ-тӗк – ирӗклӗ, сывлакан материалтан çӗленӗ тум, пуçа шлепке тавраш тăхăнмалла, пӗрле ӗçмешкӗн таса шыв илмелле. Урамра çӳресен-çӳресен кондиционер пур çӗре кӗрсе сывлăш çавăрса ямалла.
-
Тутарстанра туй тума 100 пин тенкӗ илме пулать
Ку эрне Тутарстанра Ҫемье эрни пек иртет. Кашни хулапа Районта тӗрлӗ мероприятисем иртеҫҫӗ. Юбиляр-мӑшӑрсене чысланинчен пуҫласа нумай ачаллисене мини-автобуссем парасси таран.
-
УЯВ – Чӑваш халӑхӗн чи ырӑ енӗсен палли
Июлӗн 5-мӗшӗнче Элкел районӗнчи Сиктӗрмере иртнӗ Уявра пуçтарăннă халăха КПРФ лидерӗ Геннадий Зюганов саламларӗ. Хутшăнакансем çӗршывăмăрăн тӗрлӗ кӗтесӗнчен килсе çитнине шута илсен мероприяти Раççей шайӗнчи темелле. Унччен виçӗ çул тăршшӗ кунта республика Уявӗ пулчӗ. Çапла Тутарстанра умлă-хыçлă Нурлатрипе пӗрле икӗ Уяв кӗрлерӗ. Унсăр пуçне район шайӗнчисем – Аксура тата Павлăра.
-
Йăх-несӗл конкурсӗнче кăçал Хусан çемйи çӗнтерчӗ
Июлӗн 8-мӗшӗнче, Çемье, юрату тата шанчăклăх кунӗнче, Тутарстанра «Эхо веков в истории семьи – Тарихта без эзлебез» йăх-несӗл йăли-йӗркисене упракан çемьесен республика конкурсне пӗтӗмлетрӗç.
-
«Уяв пики – 2025» – Ангелина Михайлова
Кӑçал республика Уявӗнче йӗркелекен «Уяв пики» конкурс 17-мӗш хут иртрӗ. Унта 13 пике хутшӑнчӗ: Лилия Артамонова (Нурлат хули), Мария Николаева (Чӑваш Республики, Елчӗк районӗ), Ольга Тербукова (Аксу районӗ, Кивӗ Тимушкел ялӗ), Евгения Синдюкова (Çӗпрел районӗ, Чӑваш Çӗпрел ялӗ), Ангелина Михайлова (Çырчалли хули), Софья Березкина (Спас районӗ, Яшпашел ялӗ), Илиана Альмукова (Элмет районӗ, Патраклӑ ялӗ), Анастасия Михайлова (Çӗпрел районӗ, Çӗнӗ Чакӑ ялӗ), Виктория Никонова (Пӑва районӗ, Чӑваш Шуршу ялӗ), Яна Федорова (Чистай районӗ, Анат Кӑтрата ялӗ), Валерия Павлова (Пӑва районӗ, Раккасси ялӗ), Карина Кашкарова (Нурлат районӗ, Майна ялӗ), Карина Зинькова (Элкел районӗ, Сиктӗрме ялӗ).
-
«Пурнăç йывăççи» проект салтак ăсатас йăласемпе паллаштарчӗ
Июлӗн 2-мӗшӗнче Хусанта Горький ячӗллӗ паркра «Пурнăç йывăççи» проект шайӗнче Атăлçи тăрăхӗнче пурăнакан халăхсен салтак ăсатас йăлисене кăтартрӗç. Сакăр халăх – вырăссем, чăвашсем, тутарсем, кӗрешӗнсем, мăкшăсем, удмуртсем, марисем тата пушкăртсем – хăйсен йăли-йӗркипе паллаштарчӗ.
-
Shanu этно-джаз ушкăн çитес тунтикун Мускавра Алексей Козловăн клубӗнче концерт парать
Пурнăç пӗр вырăнта тăмасть, Shanu ушкăнра та акă улшăнусем пулса иртнӗ. Дмитрий Лысов (джаз пианисчӗ, талантлă музыкант, аранжировщик) кайнă хыççăн ушкăнпа Андрей Руденко ӗçлеме пуçланă.
-
Тăван çӗршыва хӳтӗленӗ тата хӳтӗлекен мӗнпур салтака сума суса Нурлатра «Берет» монумент уçăлчӗ
Июлӗн 1-мӗшӗнче, Тӗрлӗ вăрçа хутшăннă çар ветеранӗсен кунӗнче, Нурлат хулинчи астăвăмпа мухтав мемориал комплексӗнче салтак сумӗпе хăюлăхӗн символӗн – Беретăн– монуменчӗ уçăлчӗ. Авторӗ – Анат Нурлат микрорайонӗн обществăлла хăйтытăмлăх управленийӗн ( ТОС) председателӗ, Афган вăрçин ветеранӗ, тимӗрçӗ-ӳнерçӗ Айрат Рифович Гареев.