News by category - Тӗп хыпар
-
Нурлатра иртнӗ Уявра Рустам Миннихановпа Олег Николаев пулса курчӗç
Чăваш халăхӗн авалтан пыракан йăлисемпе пуян культури, çутçанталăкпа килӗшӳллӗ те шайлашуллă хутшăнăвӗсем, тӗнчекурăмӗ, тумтир эстетики, философилле шухăш-кăмăлӗ – çаксем йăлт таса та вăйлă çăлкуç евӗр тапса тухрӗç июнӗн 29-мӗшӗнче Нурлат хулинче иртнӗ республика шайӗнчи Уявра. Нумай çӗнӗлӗхпе тӗлӗнтерчӗç те тыткăнларӗç нурлатсем. Уяв лапамӗнче чăннипе куç тулл и илемччӗ.
-
Учӳк – туслăх фестивалӗ
Чăваш халăх культурин питӗ хăйне евӗр йăла-йӗрки вăл. Авалхи тӗнпе пурăнакан йăхташăмăрсем çăлкуç патӗнче – кӗл васанӗ теççӗ сăваплă вырăна – ирхине вăкăр е така пусса Турра чӳклесе параççӗ. Çапла майпа хӗл лайăх каçнăшăн, тулăх тухăçшăн, кил-йыш тӗрӗс-тӗкел пурăнса ирттернӗшӗн тав тăваççӗ тата кăçал та лайăх тухăç пама, ырă пурнăç пиллеме ыйтаççӗ.
-
Рустам Минниханов республика йӗркеленнӗренпе 105 çул çитнӗ ятпа саламланă
ТР Раисӗ Рустам Минниханов хăйӗн Телеграмм-каналӗнче тата «ВКонтактери» страницинче Тутарстанра пурăнакансене республика йӗркеленнӗренпе 105 çул çитнӗ ятпа саламласа кӗске видео кăларнă.
-
Кăçал Нурлатра иртекен республика Уявӗнче чăнласах Чăваш туйӗ пулать
Июнӗн 29-мӗшӗнче Нурлатра «Уяв» Республикăн чăваш наци культурин уявӗ иртет.
-
Пӗкӗлмере «Зарница – Петровка – 2025» чемпионат
Июнӗн 21-мӗшӗнче Пӗкӗлме районӗнчи Петровка ялӗнче Тăван çӗршыв хӳтӗлевçин çулталăкне тата Аслă Çӗнтерӗвӗн 80 çулне халалласа «Зарница – Петровка – 2025» пӗрремӗш спортпа патриотизм чемпионачӗ иртрӗ.
-
Салам хакӗ ӳсет
Хаклă вулакансем! 2025 çулăн 2-мӗш çур çулӗнчен хаçатра пичетленекен салам хакӗ ӳсни пирки пӗлтеретпӗр. Паллах, хакӗ ӳснине кура саламăн калăпăшӗ те пысăкрах пулать.
-
Шăплăх минучӗ июнӗн 22-мӗшӗнче 12 сехет те 15 минутра иртет
Июнӗн 22-мӗшӗ – Астăвăмпа хурлану кунӗ. Çак кун 84 çул каялла Тăван çӗршывăн Аслă вăрçи пуçланнă. Кашни çемьенех пырса тивнӗ хаяр вăрçă. Астăвăмпа хурлану кунӗнче вăрçăра вилнисене пӗр минут шăп тăрса асăнасси йăлара.
-
Нурлатра республика Уявӗ пулать
Июнӗн 29-мӗшӗнче Нурлатра Тутарстан чăвашӗсен авалтан пыракан тӗп праçникӗ – республика Уявӗ – иртет.
-
Патраклă Учӳка кӗтет
Элмет районӗнчи Патраклă ялӗнче июнӗн 21-мӗшӗнче Кама леш енчи тӗне кӗмен чăвашсен «Учӳк» фестивалӗ пулать.
-
Мототехникăпа аварие лекнисен шучӗ пӗлтӗрхинчен иртсе кайнă
Мотоцикл, скутер, питбайксемпе çыхăннă аварисен проблеми пирӗн республикăн кăна мар, çӗршывăн. Паллă ӗнтӗ, автоинспекци хăй кăна татса параймасть ку ыйтăва. Тутарстанра та статистика савăнмаллиех мар, çулталăк пуçланнăранпа мототранспортпа çыхăннă 70 авари пулнă, вӗсенче 5 çын вилнӗ, 19-шӗ йывăр аманнă. Пӗлтӗр çак вăхăтра мототранспорт водителӗ вилнӗ пӗр тӗслӗх те пулман. Кун çинчен ТР Патшалăх автоинспекци управленийӗн çумӗ Айрат Самигуллин паян «Татар-информ» агентствăра иртнӗ пресс-конференцире пӗлтерчӗ.
-
Хусанта Халăхсен хушшинчи вӗрентӳ министрӗсен III форумӗ иртет
Тӗп мероприятисем июнӗн 11-12-мӗшӗсенче Хусанти Башир Рамеев ячӗллӗ IT-паркра пулаççӗ. Форум хăнисем – Арабсен Пӗрлештернӗ Эмирачӗсен, Беларуси, Абхази, Южная Осетия, Мьянма, Лаос, ЦАР, Камерун, Буркина-Фасо, Зимбабве тата ытти çӗршывсен вӗрентӳ министрӗсем. Раççейрен форума РФ çутӗç министрӗ Сергей Кравцов, Раççейӗн Вӗрентӳпе наука министерствин ертуçисем тата ТР Раисӗ Рустам Минниханов хутшăнать.
-
Мăсăльмансем паян Курбан-байрам паллă тăваççӗ
Тутарстан Республикин Раисӗ Рустам Минниханов уяв ячӗпе саламлани.
-
Павлăри чăваш Уявне туристсем те курчӗç
Июнӗн 1-мӗшӗнче Павлă хулинче район шайӗнчи Уяв пулчӗ. Виççӗмӗш хут иртекенскер вăл пӗлтӗрпе виçӗмçул Потап-Тăмпăрлă ялӗнче иртнӗ-тӗк, кăçал пуçласа – Павлăра. Мероприяти иртмелли калама çук илемлӗ лапама ир-ирех чăваш тумӗллӗ çынсем пухăнма пуçларӗç. Ал ӗç ăстисем хăйсен ӗçӗсемпе мастер-классем йӗркелесе паллаштараççӗ, усламçăсем хăйсен таварӗсене сӗнеççӗ. Чăваш апатне те тутанса пăхма пулать кунта, техӗмлӗ сăрине те астивме май пур. Фольклор ушкăнӗсем хăнасене кӗтнӗ май юрлаççӗ-ташлаççӗ. Кӗскен каласан – питӗ хаваслă Уяв лапамӗнче.
-
Фарид Мухаметшин ял çыннисене патшалăхăн ял хуçалăх программисене активлăрах хутшăнма сӗнчӗ
Паян, июнӗн 4-мӗшӗнче Çӗпрел районӗнче ял çыннисен ӗç активлăхне ӳстерессипе çыхăннă ыйтусемпе семинар-канашлу иртрӗ. Унта ТР Патшалăх Канашӗн Председателӗ Фарид Мухаметшин, ТР ял хуçалăхпа апат-çимӗç министрӗ Марат Зяббаров, ТР Вырăнти хăйтытăмлăхсен органӗсен ассоциацийӗн канашӗн председателӗ Экзам Губайдуллин, Правительствăпа парламент представителӗсем, 8 район пуçлăхӗсем, харпăр хуçалăх ертӳçисем хутшăнчӗç. Кăçал ку семинар юлашки пулать. Маларах вăл Чистай, Мамадыш, Сарман районӗсенче иртнӗччӗ. Семинар-канашлăвăн тӗп тӗллевӗ – ялсене аталантарасси, ял хуçалăх отраслӗнче ӗçлеме илӗртесси тата хавхалантарасси, патшалăхăн пулăшу программисемпе паллаштарасси.
-
Дмитрий Анатольевич Самаренкина çуралнă кун ячӗпе саламлатпăр!
Паян, июнӗн 3-мӗшӗнче хăйӗн çуралнă кунне хисеплӗ çыннăмăр, Чăваш наципе культура автономийӗн председателӗ, ТР Патшалăх Канашӗн депутачӗ, «Казанский жировой комбинат» УАО Директорсен канашӗн председателӗ Дмитрий Анатольевич САМАРЕНКИН паллă тăвать.