News by category - Гороскоп

• 07 июля 2025

  Çак кунсенче зодиакăн пур паллин те лару-тăрăва тӗрӗс хаклама тăрăшмалла

  Ку эрнере пысăк проектсене пуçăнмалла мар – ӗçе вӗçлеме май килмӗ. Проект пирӗншӗн шăпа пӳрни-тӗк, ăна хамăрах пурнăçлăпăр, каярах. Хӗрарăмсене романтикăлла тӗлпулу кӗтет. Арçынсен парăмӗсене татма васкамалла.

  
• 30 июня 2025

  Эрнелӗх гороскоп

  Ку эрнере пур зодиак паллин те халичченхинчен икӗ хут ытларах ӗçлеме тивет, анчах тупăшӗ сахалрах пулӗ. Питӗ хăйне евӗрлӗ, экстравагантлă пулнине, ӗçе çӗнӗлле тунине ӗçтешсем ăнланмӗç.

  
• 23 июня 2025

  Творчествăра интереслӗ тапхăр пуçланать

  Патшалăх ӗçӗнчисемшӗн ку эрне хăйне май тӗрӗслев пулӗ. Халь эпир пурте илӗртӳллӗ, астармăш, япшар чӗлхеллӗ. Ума лартнă задачăсене пурнăçлама меллӗ вăхăт. Çемьене ытларах тимлӗх уйăрмалла. Кулленхи вак-тӗвек ыйтусене чӗрене çывăх илмелле мар.

  
• 09 июня 2025

  Шутланисем пурнăçланас шанăç питӗ пысăк

  Тупăш кӳмен проектсемпе ӗçлер мар. Чуна савăнтарман ӗçрен, япаласенчен пӗр шелсӗр хăтăлар. Ӗçлӗ ыйтусене татса парасси – ку эрнере чи пӗлтерӗшли. Ушкăнпа тумалли ӗçсенче сисчӗвлӗ пулмалла, çынна шанмалли вăхăт мар халь.

  
• 02 июня 2025

  Çынсемпе çывăхрах пулмалла, çӗнӗ туйăмсенчен хăрамалла мар

  Пӗчченнисен шăпа пӳрнӗ çыннипе тӗл пулма ăнтăлмалла, шыракан тупать теççӗ. Тавракурăма аталантарасси çинчен манар мар. Пурнăç опычӗпе амбицисене пӗрлештерсен ума лартнă тӗллев патне çитетпӗрех. Ӗçтешӗрсемпе юлташăрсенчен пулăшу ыйтма ан вăтанăр.

  
• 26 мая 2025

  Ку эрнере хамăра килӗшнине çӗнӗрен суйласа илмелле

  Тен, пӗрисем кивелнӗ, çӗннисемпе улăштарма вăхăт çитнӗ? Халиччен тунă йăнăшсене тӳрлетме те ансат çак кунсенче. Ӳркенмелле мар, пӗрмай ӗçлемелле, анчах малтан тӗплӗн шутламалла. Майăн 27-мӗшӗнче çӗнӗ уйăх тухать, ăнсăртран каланă сăмахпа çынна кӳрентересрен асăрханăр.

  
• 19 мая 2025

  Пурнăçа улшăну кӗртес текенсемшӗн лайăх вăхăт

  Çавăн пекех пирӗнтен хăшӗсем карьера пусмипе улăхӗç, финанссем ăнăçу кӳрӗç. Кашни утăма тӗплӗн шутласа тумалла, хамăр çине çеç шанмалла. Çак кунсенче пысăк, хаклă япала туянар мар.

  
• 12 мая 2025

  Таврари çынсене сăнар та пулăшу кирлисене тӗрев парар

  Эрне ырăпа пуçланать. Юратнă çыннăн хăтланăвӗсем пур чухне те килӗшмесен те шавламасăр ирттерсе ярар. Эрнен иккӗмӗш çурринче командировкăна кайма, ӗçпе партнерсемпе тӗл пулма, контрактсем алă пусма лайăх вăхăт. Çак кунсенчех романтикăллă хутшăнусем пуçланас шанăç та пур, анчах ӗçпе харкам пурнăçа хутăштармалла мар.

  
• 05 мая 2025

  Çывăх çынсемпе хутшăнусем лайăх, пӗр-пӗрне шанатпăр

  Хамăрта вăй-хал тапса тăнине туятпăр. Çавăнпах пулӗ çынпа хутшăнма та çăмăл пире. Ӗçлӗ калаçусене, тӗлпулусене эрне пуçламăшӗнче ирттерни питӗ ăнăçлă пулать. Эпир халь илӗртӳллӗ, шӳтсем çивӗч, ыррине шанатпăр. Акă мӗншӗн пирӗн тавра çынсем пухăнаççӗ.

  
• 28 апреля 2025

  Çӗнӗ паллашусем ӗçлӗ сӗнӳсем кӳрӗç

  Пирӗн туйăмсем ку эрнере нихăçанхинчен çивӗч, эмоцисем ейӗве тухнă çурхи шывсене аса илтереççӗ. Хутшăнусенче ку çӗнӗ, телейлӗ тапхăр пуçланнин палли. Çӗнӗ паллашусем ӗçлӗ сӗнӳсем кӳрӗç. Киле пӗр-пӗр чӗрчун илесси çинчен те шутлар. Кӗçнерникунтан усламçăсен ӗçӗсенче çитӗнӳ пулать.

  
• 21 апреля 2025

  Эрне ăнăçлă пулать, хамăрта иксӗлми вăй-хал туятпăр

  Алăра ӗç вӗресе тăрать. Çавăнпах ума лартнă тӗллевсене туххăмрах пурнăçлатпăр. Çак кунсенче спортпа аппаланма ӗлкӗретпӗр – кăмăл та пулать, вăхăчӗ те çитет. Канмалли кунсенче юлташсемпе тӗл пулни лайăх.

  
• 14 апреля 2025

  Ку эрнере ӳт-пӗве çамрăклатассипе процедурăсем ирттерни лайăх

  Çынсемпе калаçнă чух пӗрпеклӗхсем шырăр, ӳлӗм вӗсем шанчăклă юлташсем пулас шанăç пур. Çак кунсенче эпир çирӗп кăмăллă, шухăшламасăр сăмах персе ямастпăр. Кил-çурта илемлӗрех, хăтлăрах тума тăрăшни хăйне тӳрре кăларать. Ӳт-пӗве çамрăклатассипе процедурăсем ирттерни лайăх. Харкашусене хутшăнмалла мар, çынна элеклесрен хăраса тăмалла.

  
• 07 апреля 2025

  Эрне асра юлмалли улшăнусемпе палăрать

  Кӗтмен тӗлпулусем, хаклă уроксем кӗтеççӗ пире ку эрнере. Çăлтăрсем шалти туйăма тимлеме, çӗнӗлӗхсене хăрамасăр йышăнма тата пуринпе те килӗштерме сӗнеççӗ.

  
• 31 марта 2025

  Ку эрнере вăхăта ытларах уçă сывлăшра ирттермелле

  Ку эрнере вăхăта ытларах уçă сывлăшра ирттермелле – ялта, дачăсенче, вăрмансемпе парксенче рехетленмелле, уйрăмах хулара пурăнакансем. Çан-çурăма пиçӗхтерме уçă сывлăшра гимнастика тумалла, спортпа аппаланмалла. Анчах çак кунсенчех шăнса пăсăлас хăрушлăх та пур – ăшăрах тумланмалла.

  
• 24 марта 2025

  Март вӗçленет, хӗлле чăннипех сывпуллашать пирӗнпе

  Халӗ пӗрисем хӗл ыйхинчен вăранаççӗ. Теприсем çурхи ӗçсене пикеннӗ те ӗнтӗ. Кама-тăр çурхи уйăхăн юлашки эрни çӗнӗ çитӗнӳсем тума шанăç кӳрет, кам-тăр юр купи пек капланнă ӗçӗсене вӗçлеме васкать. Пирӗншӗн пуриншӗн те халь чи кирли – уçлăха тимлени, çăлтăрсем каланине илтме пӗлни.