News by category - Гороскоп

• 17 марта 2025

  Йышăну тунă чух çирӗп кăмăллă пулмалла

  Март варри – çанталăк вăраннă вăхăт, çӗр çинчи пӗтӗм чӗрӗ чун, йывăç-курăк вăй илет, умра çутă пуласлăх. Хӗвел Така паллине кӗнине астрологи çулталăкӗ пуçланнă тесе ăнланмалла. Эмоцисем ытла пысăккăн капланса килеççӗ, йышăну тунă чух чăрмантарасран асăрханăр. Кам-тăр хăйпе хăй килӗшӳ тупаймасть, кам-тăр ăнăçăва вӗçерӗнмелле мар çирӗп тытать.

  
• 10 марта 2025

  Эрне лăпкă пуçланать, улшăнусем сайра

  Çӗнӗ проект пуçлама меллӗ вăхăт, анчах малтан тӗплӗн хатӗрленмелле, халапри пек хăйне хăй пулать тесе шанмалла мар. Ӗçлӗ çулçӳревре чăрмавсем сиксе тухаççӗ.

  
• 03 марта 2025

  Шалтан тухакан хăват чăмăра пуçтарăнса сулмаклă вăй пулса тăрать

  Эпир ку эрнере хавхалану туятпăр, творчествăпа аппаланас килет. Шалтан тухакан хăват чăмăра пуçтарăнса сулмаклă вăй пулса тăрать, умри тӗллев патне хăвăртрах çывхаратпăр, хамăршăн хаклă идейăсене, ӗненӳсене хӳтӗлеме хатӗр пулатпăр.

  
• 24 февраля 2025

  Эрнелӗх гороскоп

  Çӗнӗ эрне хӗлӗн юлашки, çуркуннен пӗрремӗш кунӗсене лекет. Кăçал çак кунсенче Çăварни катаччи ярăнса, тутлă икерчӗ çисе хӗле ăсататпăр. Пайтах сюрпризсем кӗтеççӗ пире: кам-тăр хăйӗнче çӗнӗ вăй-хăват туять, шутланисене хавхаланса пурнăçлать. Камăн-тăр тăхтама тивет, чăтăмлăрах пулмалла.

  
• 17 февраля 2025

  Харкам хутшăнусенче асăрхануллă пулмалла

  Тӗллевсем патне çывхарнă чух çирӗп кăмăллă, ăнкаруллă пулни, вăй-хăватăра шеллеменни ăнăçу кӳрет. Çӗнӗ меслетсем шутласа кăларма пире оптимизм, интуици пулăшаççӗ. Апла пулин те харкам хутшăнусенче асăрхануллă пулмалла – «пуçватмăшсем» кӗтмен çӗртен сиксе тухаççӗ.

  
• 10 февраля 2025

  Эрнелӗх гороскоп

  Питӗ ырă эрне. Хамăра шансан, çаврăнăçуллăрах пулсан, плансем тунă чух чун ыйтнă пек тумалла, интуицие тимлесен йăлт аван пулать.

  
• 03 февраля 2025

  Пӗтӗмӗшле илсен эрне питӗ çăмăллăн, кăмăллăн иртет

  Эпир хамăра лайăх туятпăр, ума тӗллевсем лартатпăр, вӗсем патне çитме ăс-тăн çителӗклех, чăрмавсем хăратмаççӗ. Юратура ăнланманлăхсем пӗтеççӗ, вăй-хăвата кирлӗ çӗре яратпăр.

  
• 27 января 2025

  Тин паллашнă çынпа романтикăлла çыхăнăва кӗмелле мар

  Çӗнӗ çулăн пӗрремӗш уйăхӗ вӗçленекен эрнере çăлтăрсем пире тин паллашнă çынпа романтикăлла çыхăнăва кӗме хушмаççӗ. Çав кунсенче харкам пурнăç ăнăçупа савăнтармасть иккенни те паллă. Тахçанах çыхăну тытма пăрахнă савнипе çӗнӗрен хутшăнусем йӗркелеме хăтланни те кăлăхах.

  
• 20 января 2025

  Таврари çынсемпе хутшăнусем лайăх

  Ку эрнере юратакансен хутшăнăвӗсем тикӗс аталанмаççӗ: сăлтавсăрах хирӗçӳсем тухаççӗ, пӗр-пӗрне кӗвӗçесси те пулать. Ӗçсем шутланă пек пулмаççӗ. Çав вăхăтрах таврари çынсемпе хутшăнусем лайăх.

  
• 13 января 2025

  Ку эрне пур зодиак паллишӗн те ырă

  Тӗрӗслӗх, килӗшӳ хуçаланать халь. Суту-илӳ тăвакансемшӗн ăнăçлă вăхăт – суясăр, ултавсăр иртет эрне. Тахçанхи юлташăрсемпе, тăванăрсемпе, ӗçтешӗрсемпе тӗл пулни кăмăлăра çӗклет. Укçа-тенкӗ хушма май пулать е тупăш кӳрекен сӗнӳ илетӗр. Ку эрнере пурнăçăра тӗрлӗ сферăра улăштарма май килет. Тен, эсир кун пек сюрпризсене йышăнма хатӗр те мар пулӗ. Çавăнпа тӗплӗн шутласа йышăну тума тăхтав илни лайăх.

  
• 30 декабря 2024

  Çӗнӗ çул каçне уяв пек чаплăн ирттерме хатӗрленмелле

  Ку эрне икӗ çула пӗрлештерет: иртсе каякан 2024 тата 12 уйăха килекен 2025 çулсене. Çичӗ кунра пирӗн тухса каякан Аçтаха çулне пӗтӗмлетме ӗлкӗрмелле, Йывăç Симӗс Çӗлен çулне плансем тумалла. Çӗнӗ çул каçне уяв пек чаплăн ирттерме хатӗрленмелле. Çак кунсенче пире çăлтăрсем яланхинчен те ытларах пулăшса пырӗç. 2024 çулхи декабрӗн 30-мӗшӗнчен 2025 çулхи январӗн 5-мӗшчен пыракан тапхăр мӗнле иртет кашниншӗн уйрăм?

  
• 23 декабря 2024

  Çӗнӗ çул умӗнхи эрне питӗ хӗвӗшӳллӗ, хăвăрт иртсе каять

  Çулталăка пӗтӗмлетме те ӗлкӗрмелле, пуçланă ӗçсене те вӗçлемелле. Тата, паллах, 2025 çула та плансем палăртмалла.

  
• 16 декабря 2024

  Мӗн кӗтет кашнине ку эрнере?

  Ларса шутлама, пысăк йышăнусем тума та, çанă тавăрса ӗçлеме те меллӗ вăхăт. Кашни зодиак палли çитес эрнере уйрăм сценарипе пурăнасси çинчен калаççӗ çăлтăрсем.

  
• 09 декабря 2024

  Ку эрнере зодиак паллисем пурте чи кăткăс ыйтусене татса пама пултараççӗ

  Чи хăюллă, пысăк пӗлтерӗшлӗ ӗçсене пурнăçлама хал çитерӗпӗр. Предпринимательсене çăлтăрсем асăрханма хушаççӗ – ултавçăсен аллине лекес хăрушлăх пур.

  
• 02 декабря 2024

  Финанс ыйтăвӗсене татса пама меллӗ вăхăт

  Ку эрнери паллашу кăшт вăхăтран çывăх хутшăнăва çаврăнма пултарать. Хаклă япала туянассине урăх вăхăта куçарăр. Çынсем тӗрлӗрен пулаççӗ, асрах тытăр. Ушкăнра пӗтӗм тимлӗх сирӗн çинче пулсан та асăрханулăх çинчен ан манăр.