News by category - Гороскоп

• 18 ноября 2024

  Ку эрнере хамăра лайăх туятпăр

  Çакă пулăшать те шутланине пурнăçлама. Халь пурлăхпа, финанссемпе çыхăннă тавлашусем сиксе тухма пултараççӗ. Çăлтăрсем кун пек чух вӗриленме хушмаççӗ. Вӗсен канашне итлемесен ыйтусем тахçанччен тăсăлӗç.

  
• 11 ноября 2024

  Çăлтăрсем яланах систереççӗ пире, вӗсене асăрхама çеç пӗлмелле

  Йышăну тунă чух чӗре мӗн каланине илтсе ăспа шутласа илме ӗлкӗрмелле. Халь туйăмăрсене ытларах тимлӗх уйăрмалла. Ума тӗллев лартма та лайăх çак кунсенче. Хăвăр «кӗрӗк арки йăваласа» лармасан ӗмӗтленнисем пурнăçланаççӗ.

  
• 04 ноября 2024

  Эрне интереслӗ, тӗрлӗ пулăмсемпе пуян пулать

  Кăмăл-туйăмăра сăнасах тăрăр, эмоцисене вăхăтра тытса чарма ӗлкӗрӗр. Тавракурăма ӳстерме лайăх вăхăт. Черетлӗ çичӗ кун куç хупса иличчен иртсе каять. Пӗтӗмӗшле илсен тапхăра хурлама çук – ырри чылай çак кунсенче, анчах çине тăрса татса памалли ыйтусем те сике-сике тухаççӗ.

  
• 28 октября 2024

  Пурин те асра тытмалла – уявсен кашни кун пулмалла мар

  Енчен те эсир кашни кун канасшăн, тен, аниматор пулса ӗçлемелле? Ку эрне иртнинчен кăшт çеç уйрăлса тăрать – пӗр кун ытларах ӗçленипе. Анчах канмалли кунсем уявпа асра юлӗç.

  
• 21 октября 2024

  Кулленхи ыйтусене татса панă чух интуицие итлемелле

  Эрнен пӗрремӗш çурри лайăх иртет. Харпăр хутшăнусене ытларах тимлӗх уйăрмалла. Çăлтăрсем ку эрнере тӳрӗ кăмăллисене пурнăçра ăнăçассине систереççӗ.

  
• 14 октября 2024

  Эрнен пӗрремӗш кунӗсем ăнăçлă иртеççӗ

  Шăпах çак вăхăтра интереслӗ, пысăк пӗлтерӗшлӗ пулăмсем кӗтеççӗ пире. Эрнекун укçа-тенке çирӗп тытăр, канмалли кунсене лăпкăн ирттерӗр.

  
• 07 октября 2024

  Ку эрнере паллашнă çынсемпе туслăх нумая пырать

  Ку эрнере çăлтăрсем ӗçе ырана хăварса пыма та, мӗнпе е кампа-тăр ытлашши интересленсе пуçа çухатма та хушмаççӗ. Эрне пуçламăшӗ йывăр ӗçе пуçăнма лайăх, вак-тӗвекпе вăхăта ирттермесен çăмăллăн пурнăçланать.

  
• 30 сентября 2024

  Çак кунсенчи илӗртӳллӗ сӗнӳсем тата хастартарах пулма хистеççӗ

  Тунтикун, ытларикун йăлт аван пулать – иксӗлми вăй-хал туятăр хăвăрта. Çак кунсенчи илӗртӳллӗ сӗнӳсем тата хастартарах пулма хистеççӗ. Хăвăр та çывăх çыннăрсене пӗр-пӗр идейăпа хавхалантарма пултаратăр. Юнкун йывăртарах иртет тесе систереççӗ çăлтăрсем.

  
• 23 сентября 2024

  Эрне пур зодиак паллишӗн те ырă

  Финанс лару-тăрăвӗ аванланать, тахçан шутланисене те пурнăçлама çăмăл. Ӗçлӗ çыхăнусене аталантарма меллӗ. Партнерсен сӗнӗвӗ сирӗн тăнăçлăха ӳстерет.

  
• 16 сентября 2024

  Эрнелӗх гороскоп

  Сентябрӗн 18-мӗшӗнче Меркурипе Сатурн оппозицинче. Çакна пула вӗренӳ йывăрланать, таврари çынсемпе хутшăнасси те кăткăсланать. Çула тухма, çынсемпе паллашма тăхтамалла. Сентябрӗн 19-мӗшӗнчех Хӗвелпе Уран тринӗ (тригонӗ) – планетăсем пӗр-пӗринчен 120 градусра вырнаçни – пурнăçа килӗшӳ кӳрет, эпир хамăра ирӗклӗрех туятпăр, пултарулăха уçма ăнтăлатпăр. Сентябрӗн 21-мӗшӗнче Меркурипе Юпитер квадратурине пула нумайрах калаçма тытăнатпăр. Сентябрӗн 22-мӗшӗнче Хӗвелпе Плутон тринӗ ертӳçӗсен хăватне ӳстерет.

  
• 09 сентября 2024

  Ку эрнере хăвăра упрамалла

  «Тӗрӗс тăватăп», — тесех ӗçе пуçăнатпăр çак кунсенче, кайран йăнăшнине ăнланса илетпӗр. Васкаса йышăну тунипе çапла-ши, çăлтăрсем этемӗн шухăш-кăмăлӗ çине витӗм кӳреççӗ-ши? Ку тапхăрта Сатурнпа Хӗвел оппозицинче пулнине шута илмелле — иммунитет чаксан та, вăй пӗтнине туйсан та... Упрамалла хăвăра.

  
• 02 сентября 2024

  Ку эрнере хире-хирӗçле ӗçсем, шухăшсем хуçа пулаççӗ

  Пӗрре эсир чăн-чăн идеалист пек тыткалатăр хăвăра, шухăшăрсем те тӳпенех çитнӗ пек, тепре — çӗр çинче çирӗп тăракан прагматик пек хăтланатăр, ӗçӗрсем те çӗр çинчен уйрăлма памаççӗ. Хăш-пӗр зодиак паллишӗн эрне питӗ ырă, теприсемшӗн кӳренмелле усал.

  
• 26 августа 2024

  Пӗрер сехет ытларах çывăрни усăллă

  Вăйран кайса ӗçлесен шала кайнă чирсем вăранаççӗ, пит ывăннипе ыйхă çухататăр. Массаж сеансӗ иртни аван. Ку эрнере пӗрер сехет ытларах çывăрни усăллă.

  
• 19 августа 2024

  Эрнелӗх гороскоп

  Бизнесменсен çак кунсенче партнерсемпе ӗçлесси çине ытларах тимлӗх уйăрмалла. Хуть мӗнле сӗнӗве те пăхса тухма хатӗр пулăр. Укçа-тенкӗ ӗçлесе илнисӗр пуçне ӗçтешсен умӗнче ят-сум та илмеллине асрах тытăр.

  
• 12 августа 2024

  Эрне пуçламăшӗ пуриншӗн те кăткăс вăхăт

  Тахçантанпа пыракан хирӗçӳ çивӗчленет. Хутшăнусем мирлӗ пулччăр тесе нумай вăй хума тивет сирӗн. Çак кунсенче хăнасем кӗтӗр — е тăванăрсем килсе çитеççӗ, е юлташăрсем.