Эрне пур зодиак паллишӗн те ырă

ТАКА 21.III-20.IV 
Çан-çурăмра вăй-хал вӗресе тăнине туятăр çак кунсенче. Пуçланă ӗçсене вӗçленӗ çӗре ямалла ку вăя, çӗнӗ проектсене пуçăнмалла. Çынсемпе хирӗçесрен асăрханăр, уйрăмах ӗçре. Харкам пурнăçра кӗтмен ырă пулăмсем кӗтӗр.

ВĂКĂР 21.IV-20.V 
Хăвăрпа халиччен пулса иртнисене тишкерсе малашлăха план тумалли вăхăт халь сирӗншӗн. Эрне варринче укçа илетӗр е карьера пусмипе çӳлелле улăхма май килет. Сывлăхăра тимлессине асра тытăр.

ЙӖКӖРЕШСЕМ 21.V-21.VI 
Паллашусемпе, тӗлпулусемпе пуян эрне. Вӗсенчен хăшӗсем ӳлӗм сирӗншӗн питӗ пӗлтерӗшлӗ пулӗç. Çăлтăрсем сире: «Сăмах çерçи мар, вӗçсе тухсан тытаймăн», — тенине манма хушмаççӗ. 

РАК 22.VI-22.VII 
Ку эрнере çемйӗре, кил-çуртăра ытларах тимлемелле. Çак кунсене сирӗн çемьере сиксе тухнă ыйтăва çийӗнчех татса пама тивет е çывăх çыннăрсене пулăшмалла. Ӗçре вак-тӗвеке тимлени йăнăшасран пулăшӗ.

АРĂСЛАН 23.VII-22.VIII 
Хӗрӳ эрне пурăнса ирттерме тӳр килет сире. Хăвăра шанни, вăй-хал туйни çак кунсенче пысăк çитӗнӳсем тума пулăшать. Çӗнӗ идейăсемпе, сӗнӳсемпе ӗçлеме хатӗр пулăр. 
ХӖР 23.VIII-22.IX 
Тухăçлă ӗçлеме, çав вăхăтрах пулса иртекен пулăмсене тишкерме меллӗ вăхăт. Пысăк тимлӗх кирлӗ проектсене вӗçлеме лайăх халь. Плансене сасартăках улăштарма тивет, анчах çакăншăн хăрамалла мар. 

ТАРАСА 23.IX-23.X 
Эсир хăвăрта килӗшӳ, шайлашу туятăр. Çак кунсенче сирӗн хирӗçӳсене хутшăнмалла мар, тавлашусенче компромисс тупма тăрăшмалла. Ӗçре çӗнӗлӗхсем тупăнаççӗ, вӗсемпе кăсăкланни сирӗншӗн усăллă пулать. 

СКОРПИОН 24.X-22.XI 
Улшăнусен вăхăчӗ ку эрне сирӗншӗн. Ума лартнă тӗллевӗрсене, плансене пăхса тухма вăхăт çитнине туятăр. Пурнăçра кӗтмен пулăмсем сиксе тухаççӗ, сирӗн çаврăнăçуллăрах пулмалла. 

УХĂÇĂ 23.XI-21.XII 
Хавхалануллă, хӗрӳ эрне сирӗншӗн. Çăлкуç пек тапса тăракан идейăсем, хастарлăх малалла утма пулăшать. Экспериментсем ирттерме, çӗнӗ проектсене кӳлӗнме ан шикленӗр. 

ТУ КАЧАКИ 22.XII-20.I 
Ку эрнере сирӗн чăтăмлăрах пулмалла. Ӗçре чăрмавсем сике-сике тухаççӗ, анчах алă усма кирлӗ мар. Халь сирӗн хуть мӗн пулсан та лăпкăн юлмалла. Харкам пурнăçри улшăнусем пурнăçа çӗнӗлӗх кӗртеççӗ.

ШЫВТĂКАН 21.I-19.II 
Интереслӗ идейăсемпе, çӗнӗ шанăçпа пуян эрне сирӗншӗн. Çак кунсене творчество пултарулăхне аталантарма усă курăр. Эрне варринчи кӗтмен тӗлпулусем пирки систереççӗ çăлтăрсем.

ПУЛĂСЕМ 20.II-20.III 
Ăс-хакăл ӳсӗмӗ çине пусăм тумалла çак эрнере. Тен, сирӗн пӗччен юлса туйăмăрсемпе шухăшăрсене тишкерес килӗ. Медитаци, самоанализ валли меллӗ вăхăт халь.