News by tag - народные приметы

• 19 мая 2025

  Çак кун çумăр çусан уйăх вӗçленичченех йӗпе-сапа пулать

  • Çу уйăхӗн 19-мӗшӗ – Иов. Сăпсасем уçă вырăнта йăва çавăраççӗ-тӗк – çулла çумăрлă пулать. Ир çинчен сывлăм ӳкмен – çанталăк улшăнасса.

  
• 05 мая 2025

  Сухан лартма вăхăт çитнӗ

  • Çу уйăхӗн 5-мӗшӗ – Лука. Çак кун куккук хыттăн тата вăрахчен авăтать пулсан çывăх кунсенче çанталăк аван тăрать.

  
• 28 апреля 2025

  Паян куккук авăтнине илтсен çулла ăшă пулать

  • Ака уйăхӗн 28-мӗшӗ – Андрей. Ăшă та хӗвеллӗ пулсан пӗрчӗллӗ культурăсем ăнса çитӗнеççӗ. Куккук авăтнине илтсен çулла ăшă пулать.

  
• 21 апреля 2025

  Ирхине тӗтреллӗ пулсан – çулла çумăр нумай çăвать

  Ака уйăхӗн 21-мӗшӗ – Вадим. Шапасем кваклатаççӗ пулсан сӗлӗ акма юрать. Каçпа ăшă, çӗрле лăпкă пулсан çулла шăрăх та типӗ пулать.

  
• 14 апреля 2025

  Паян çумăр çусан кăçал кăмпа ăнса пулать

  • Ака уйăхӗн 14-мӗшӗ – Мария. Çырмасенчи пăр хăвăрт кайса пӗтсен çăмăл çул пулать. Каçхи тӳпе çăлтăрлă та таса – çулла тухăç аван пулать. Çумăр çусан кăçал кăмпа ăнса пулать.

  
• 07 апреля 2025

  Халăх сăнанинчен

  • Ака уйăхӗн 7-мӗшӗ – Пăлхавăшни. Çак кун ӗçлеме юрамасть. Çумăр çусан – ыраш ăнать, аслати авăтсан – мăйăр витри-витрипе татмалăх пулать. Çумăр çусан çу тăршшӗпех çумăрлă пулать.

  
• 31 марта 2025

  Ама хупаххи чечеке ларнă-тăк, ака уйăхӗ ăшă пулать

  Пуш уйăхӗн 31-мӗшӗ – Иоанн. Ама хупаххи чечеке ларнă-тăк, ака уйăхӗ ăшă пулать. Çак кун хăнана каймаççӗ, хăв телейне ют çуртра хăварма пултаран теççӗ. Çынна кивçен укçа пама та, илме те юрамасть.

  
• 24 марта 2025

  Халăх сăнанинчен

  • Пуш уйăхӗн 24-мӗшӗ – Ефим. Йывăçсем çулçă кăлариччен куккук авăтсан – тыр-пул начар çитӗнессе. Юр ирӗлсе пӗтичченех тăрнасем вӗçсе килсен тухăçсăр çул пулать. Хурăн шывӗ юхма пуçлать.

  
• 17 марта 2025

  Кăнтăртан хура кураксем таврăнаççӗ

  Пушăн 17-мӗшӗ – Герасим. Кăнтăртан хура кураксем таврăнаççӗ. Вӗсем килнӗ-килмен йăвисене юсама тытăнаççӗ-тӗк – кӗç-вӗç ăшăтать, çуркунне кая юлмасть. Кайăксем йăвисене ларсан пӗр эрнерен çурхи акана тухма юрать тенӗ ваттисем. Енчен те кайăксем йăва суйласа пӗр çӗртен тепӗр çӗре куçса çӳреççӗ – çанталăк час-час улшăнса тăрӗ.

  
• 10 марта 2025

  Паян тултан чӳрече витӗр пӳртелле пăхма хушмаççӗ

  Пуш уйăхӗн 10-мӗшӗ – Тарас. Хура кураксем вӗçсе килсе йăва çавăрма пуçланă-тăк – кӗçех çанталăк лайăхланать. Юр çăвать-тӗк – Мăнкун эрни сивӗ пулать.

  
• 03 марта 2025

  Паян çуралакан ача лайăх юрлакан пулать теççӗ

  • Пуш уйăхӗн 3-мӗшӗ – Ярила. Таса тӳпере çăлтăрсем тӗксӗммӗн курăнаççӗ – çиллӗ çанталăка; йăлтăртатса çиçеççӗ – сивӗтессе; сахал-тăк – юр çăвасса.

  
• 24 февраля 2025

  Паян юр çусан кӗçех ăшăтать

  • Нарăсăн 24-мӗшӗ – Власий. Юр çусан кӗçех ăшăтать. Йывăçсене пас тытнă-тăк – сивӗсем тата та пулаççӗ-ха.

  
• 17 февраля 2025

  Халăх календарӗ

  Нарăс уйăхӗн 17-мӗшӗ – Никола. Йывăçсене пас тытни ку çул тухăçлă пуласса систерекен паллă. Вăрман, юманлăх хуп-хуран курăнать – ăшăтасса.

  
• 10 февраля 2025

  Халăх календарӗ

  Нарăсăн 10-мӗшӗ – Ефрем. Хӗртсуртăн менелникӗ. Çиллӗ кун – çулла йӗпе-сапаллă пуласса. Мăрьерен тухакан тӗтӗм çилсӗр çанталăкра çӗр çине анса сарăлать-тӗк – юр çăвасса.

  
• 03 февраля 2025

  Паян уяр пулсан çуркунне те уяр пулать

  Нарăс уйăхӗн 3-мӗшӗ – Максим. Сивӗ те типӗ – çурла уйăхӗ шăрăх та типӗ пулать. Каçхи тӳпе таса-тăк – кӗлетсем кăçал пушă пулаççӗ.