News by tag - народные приметы

17 марта 2025
Кăнтăртан хура кураксем таврăнаççӗ

Пушăн 17-мӗшӗ – Герасим. Кăнтăртан хура кураксем таврăнаççӗ. Вӗсем килнӗ-килмен йăвисене юсама тытăнаççӗ-тӗк – кӗç-вӗç ăшăтать, çуркунне кая юлмасть. Кайăксем йăвисене ларсан пӗр эрнерен çурхи акана тухма юрать тенӗ ваттисем. Енчен те кайăксем йăва суйласа пӗр çӗртен тепӗр çӗре куçса çӳреççӗ – çанталăк час-час улшăнса тăрӗ.
10 марта 2025
Паян тултан чӳрече витӗр пӳртелле пăхма хушмаççӗ

Пуш уйăхӗн 10-мӗшӗ – Тарас. Хура кураксем вӗçсе килсе йăва çавăрма пуçланă-тăк – кӗçех çанталăк лайăхланать. Юр çăвать-тӗк – Мăнкун эрни сивӗ пулать.
03 марта 2025
Паян çуралакан ача лайăх юрлакан пулать теççӗ

• Пуш уйăхӗн 3-мӗшӗ – Ярила. Таса тӳпере çăлтăрсем тӗксӗммӗн курăнаççӗ – çиллӗ çанталăка; йăлтăртатса çиçеççӗ – сивӗтессе; сахал-тăк – юр çăвасса.
24 февраля 2025
Паян юр çусан кӗçех ăшăтать

• Нарăсăн 24-мӗшӗ – Власий. Юр çусан кӗçех ăшăтать. Йывăçсене пас тытнă-тăк – сивӗсем тата та пулаççӗ-ха.
17 февраля 2025
Халăх календарӗ

Нарăс уйăхӗн 17-мӗшӗ – Никола. Йывăçсене пас тытни ку çул тухăçлă пуласса систерекен паллă. Вăрман, юманлăх хуп-хуран курăнать – ăшăтасса.
10 февраля 2025
Халăх календарӗ

Нарăсăн 10-мӗшӗ – Ефрем. Хӗртсуртăн менелникӗ. Çиллӗ кун – çулла йӗпе-сапаллă пуласса. Мăрьерен тухакан тӗтӗм çилсӗр çанталăкра çӗр çине анса сарăлать-тӗк – юр çăвасса.
03 февраля 2025
Паян уяр пулсан çуркунне те уяр пулать

Нарăс уйăхӗн 3-мӗшӗ – Максим. Сивӗ те типӗ – çурла уйăхӗ шăрăх та типӗ пулать. Каçхи тӳпе таса-тăк – кӗлетсем кăçал пушă пулаççӗ.
27 января 2025
Паян йывăçсене пас тытнă пулсан – ăшăтасса, шурă пӗлӗтсем шăваççӗ-тӗк – сивӗтессе

Кăрлачăн 27-мӗшӗ – Нина тата Вениамин. Çак кун килти выльăх-чӗрлӗхе тимлӗ пăхмалла: тутлă çитермелле, айӗнчи утă-улăмне улăштармалла.
20 января 2025
Халăх календарӗ

Кăрлач уйăхӗн 20-мӗшӗ – Иоанн Креститель. Кăнтăртан вăйлă çил вӗрет – çулла çумăрлă, аслатиллӗ пулать. Ир çинчен кайăксем юрланине илтни – çуркунне ир пуласса. Ку кун тăман тухсан Çăварнире те çил-тăманлă пулать, юр нумай çăвать. Çак кун мăшăрланма калаçса татăлакансем телейлӗ пулаççӗ.
13 января 2025
Ир çинчен тӗтреллӗ пулни – тухăçлă çул пуласса

• Кăрлач уйăхӗн 13-мӗшӗ – Мелания. Кăнтăрла тăман тустарсан – утă уйăхӗнче çумăр нумай çăвать, мăйăр ăнса пулать. Çак кун çуралнă çыннăн сиплевçӗ ăсталăхӗ пур.
30 декабря 2024
Çу уйăхӗ мӗнле пуласса кăтартакан кун

• Раштавăн 30-мӗшӗ – Даниил. Çил-тăманлă пулни – çулла пыл нумай пуласса. Çу уйăхӗ мӗнле пуласса кăтартакан кун. Йывăçсене пас тытнă-тăк – кӗçех ăшăтать. Çак каç малашлăха кăтартакан тӗлӗк тӗлленет, анчах та ăна никама та каласа пама юрамасть.
23 декабря 2024
Халăх календарӗ

• Раштав уйăхӗн 23-мӗшӗ – Мина. Тӳпери çăлтăрсем питӗ пӗчӗккӗн курăнаççӗ – юр çăвасса. Алтăр çăлтăр уйрăмах ялтăртатса çиçет – çил-тăмана.
16 декабря 2024
Халăх календарӗ

• Раштав уйăхӗн 16-мӗшӗ – Иоанн. Кушак ăшă вырăн шырать-тӗк – тата вăйлăрах сивӗтет. Ку кун тӗлне юр сахал çунă-тăк – çитес çул тухăç япăх пулать.
09 декабря 2024
Паян сивӗ-тӗк çанталăк часах ăшăтмасть

Раштав уйăхӗн 9-мӗшӗ – Юрий, Егор. Ку кун сивӗ-тӗк çанталăк часах ăшăтмасть. Çак кунччен пӗтӗм парăма парса татмалла. Ват сурăхсем чамине пӗлмесӗр утă çиме пуçлаççӗ-тӗк – çил-тăман тухасса.
02 декабря 2024
Юр паян çусан çулла çумăрлă пулать

Раштав уйăхӗн 2-мӗшӗ – Авдей. Çак каç курнă тӗлӗке астуса юлма тăрăшмалла тет, вăл пуласлăх пирки калаканни.

❮ Назад Далее ❯