Чакас вырăнне бензин хакӗсем иккӗмӗш эрне тăтăш ӳсеççӗ
Августăн 15-мӗшӗнчен пуçласа Тутарстанра бензинăн мӗн пур маркисем ӳснӗ. Çуллахи тăнăçлăх хыççăн ку ӗнтӗ иккӗмӗш ӳсӗм. Пуссене шутлама чарăннă пулсан та, чакни ӳснинчен лайăхрах.
Тутарстанстат пӗлтернӗ тăрăх, АИ-92 и АИ-95 хакӗ литршăн икӗ пуса ӳснӗ – АИ-92 литршăн 45,96 тенкӗ, АИ-95 литршăн 49,34 тенкӗ. АИ-98 маркăллă бензин хакӗ тӳрех 83 пуса ӳснӗ – 59,61 тенкӗрен 60,44 тенке çити.
Апла пулин те хальхи вăхăтра АИ-92 тата АИ-95 маркăсемлӗ бензин хакӗсем 2022 çул пуçламăшӗнчинчен пӗчӗкрех. Çапла АИ-92 декабрь вӗçӗнче 45,98 тенкӗ таятчӗ, АИ-95 – 49,51 тенкӗ.
Дизельлӗ топливо хакӗ, асăннă вăхăта илсен, çав вырăнтах тăрать – пӗр литршăн 52,41 тенкӗ. Çав вăхăтрах эскспертсем часах бензин хакӗсем чакасси çинчен пӗлтереççӗ. Çакна вӗсем санкцисене пула топливона тулаша сутма ывăрланса пынипе, шалти рынокра запас йӗркеленнипе çыхăнтараççӗ.
Следите за самым важным и интересным в Telegram-каналеТатмедиа
Нет комментариев