ÇУЛ ÇИНЧЕ АН ВАСКА!
АЧАСЕМ АННЕСӖР ЮЛНĂ Чистай районӗ урлă иртекен Хусан – Оренбург трасса çинче ноябрӗн 3-мӗшӗнче пулнă пысăк инкекре икӗ ача тăлăха юлнине пӗлтерет tatarstan24.tv сайт.
Hyundai» çăмăл машина пысăк хăвăртлăхпа çул çине сиксе тухнă та хирӗç килекен тиевлӗ машина çине çитсе çапăннă. Самантрах тимӗр купине çаврăннă. Руль умӗнче ларнă водитель-хӗрарăм сывă юлайман, хыçалта ларса пынă икӗ ачи аманнă.
ÇУЛ ÇИНЧЕ АН ВАСКА!
Тепӗр кунхине çакнашкалах авари Тури Услонра Хусан – Ульяновск трасса çинче пулнă. «КамАЗ» аварие пула чарăннă çăмăл машина çине кӗрсе кайнă кунта. Иккӗмӗшӗн водителӗ вырăнтах вилнӗ, пассажирӗ аманнă.
Ноябрӗн 4-мӗшӗнче Пӗкӗлме çулӗ çинче те çамрăк çыннăн пурнăçӗ вăхăтсăр татăлнă. Авари каçхине 18 сехет те 50 минутра «Лада Калина» автомашинăн 22-ри водителӗн айăпӗпе пулнă. Хирӗç килекен çул çине тухнăскер «КИА» машинăпа çапăннипе иккӗшӗ те çул хӗррине чăмнă. Ладăн водителӗ вилмеллех аманнă, тепӗр 4 çын суранланнă.
Следите за самым важным и интересным в Telegram-каналеТатмедиа
Нет комментариев