Хусан 3 миллионмӗш туриста кӗтет

Хусан хăйӗн 3 миллионмӗш туристне кӗтет, хулана вăл ноябрь праçникӗсен вăхăтӗнче килсе çитмелле. Хăна валли экскурси маршрутне тата ăна мӗнпе хăналамаллине Хусан мэрийӗ те, Тутарстан правительстви те мар, халăх суйланă. Çынсен шухăшне социаллă сетьре октябрӗн 1-15-мӗшӗсенче  сасăлав ирттерсе пӗлнине хыпарлать «Татар-информ» ИА.  Çапла вара 5 пин сасса пăхса тухнă хыççăн, хăнан  Г.Камал театрӗнче, Кремлевкая Набережная урамра, «Хула панорами» тата чак-чак музейӗсенче пулса курмалла. Наци апачӗсенчен лаша ашӗнчен хатӗрленӗ тултармăшпа, куллама ял шӳрпипе, азупа, вак бэлишпе тата турăхпа сăйламалла. Мӗнех, кӗтетпӗр. Кама лекӗ ку чыс? (Автор сăнӳкерчӗкӗ).