Мобилизациленнисем ыйтнине тивӗçтертӗмӗр
Паян Тутарстанри Чăваш наципе культура автономийӗн председателӗн çумӗсем Хусан çывăхӗнчи полигонра учебка иртекен мобилизациленнӗ салтаксене ыркăмăллăх пулăшăвӗ кӳрсе таврăнчӗç
Делегацире ТР Халăхсен Ассамблеипе «Сувар» хаçат ӗçченӗсем те пурччӗ. ТР ЧНКА Канашне 52 çын кӗрет, вӗсем ыркăмăллăх пулăшăвӗ валли кӗске вăхăтра 52 пин тенкӗ пухса пачӗç. Çак укçапа салтаксем ыйтнипе походра усă курмалли пӗчӗк газ плитисем тата вӗсен патне хӗлле те усă курма май пур икшер газ баллонӗ – пурӗ 50 комплект – туяннă тата тӗрлӗрен улма-çырла.
Çар слаживанийӗ иртекен резервистсем ентешӗсене кучченеçсемшӗн тата «Сувар» хаçат экземплярӗсемшӗн те тав турӗç.
Следите за самым важным и интересным в Telegram-каналеТатмедиа
Нет комментариев